ئەتوانرێ بوترێ لە عێراق هەموو پەیوەندییەكانی ئینتەرنێت لە ڕێگەی مانگە دەستكردەكان ( الأقمار الاصطناعية)ئەكرێت، لەپاش ڕوخانی عێراق خزمەتگوزاری Regional BGAN بۆتە هاوەڵی هەموو دەستە و تاقمێكی بیانی كە دێتە ناو عێراقەوە و لەڕێگەیەوە كاروباری پەیوەندییەكانیان بە ئینتەرنێت ئەنجام ئەدەن زانیارییەكانیان ڕاگوێز دەكەن، ئەویش بەهوی ئامێرێكی مۆدێمی تایبەت بە پەیوەندی ئاسمانی.
بە پێی لێدوانەكانی GloCall كە یەكێكە لە كۆمپانیا هاوبەشەكانی ئەنمارسات لە دابەشكردن و بەدواداچوون لە كۆمپانیای فرانس تەلیكۆم France Telecom، ڕێژەی فرۆشتنی ئامێری مۆدێمی Regional BGAN بۆ پەویەندی كردنی مانگەدەستكردەكان بۆتە دوو ئەوەنده.
شایەنی باسە ئامێری مۆدێمی Regional BGAN قەبارەكەی بچووكە و توانای خێراییەكەی دەگاتە 144 كیلۆ بت لە چركەیەكدا، دامەزراندن و بەكارهێنانی ئاسانه. لەڕاستیدا بەكاربردنی ئەم شێوازە تاڕادەیەك گرانە بەڵام بۆ ئەم بارودۆخەی ئێستای عێراق و پێویستی میدیاكان له عێراقدا زۆر باشە و كەلێنێكی گەورەی گرتووه.. پێ دەچێ تا بنیاتنانی تۆڕێكی تەواو لە عێراقدا بەردەوام لەكارا بێت و داگیركەرانی عێراق بیر لە شیكارێكی بنەڕەتی نەكەنەوە.