کێشەی نێوان ئەپڵ و سامسۆنگ لەسەر شکاندنی مافی داهێنراوەکان پێدەنێتە قۆناغێکی نوێوە، لە ئەوروپا بەسەرنج ڕاکێشتر لە بریتانیا. کاتێک ئەمڕۆ یەک لە دادوەرەکان لە بەریتانیا دەڵێت ( سامسۆنگ گالاکسی 10.1 لە ئایپادی ئەپڵ ناچێت، بەواتایەکی تر؛ سامسۆنگ دەستدرێژی نەکردوەتە سەر دیزاینەکانی تاتەبژمێرەکانی ئەپڵ.
ئەم سەرکەوتنە بۆ سامسۆنگ لایەنێکی جیاواز تری هەیە، بەوەی ئەپڵ دەبێت داوای لێبوردنی ئاشکرا بکات لە سامسۆنگ بۆ ئەو کێشەیەی دروستی کردوە بۆ سامسۆنگ.
بە دوو شێوە دەبێت داوای لێبوردن بکات.
یەک وەک پروپاگەندە دەبێت ئەم داوایە لەسەر کاغەز بڵاو بکاتەوە لە رۆژنامەکاندا، دووەم دەبێت لەسەر پەڕەی سەرەکی ئەپڵ بەجۆرێک بەچاوببینرێت بنوسێت کە سامسۆنگ گالاکسی تاب 10.1 لە ئایپاد ناچێت و سامسۆنگ دەستدرێژی نەکردۆتە سەر دیزاینی داهێنراوەکانی ئێمە..
بەشێوەی ئاسایی ئەپڵ ئەم داوای لێبوردنەی پێ باش نی یە و تانەی لە بڕیاری دادگا داوە و ئەم داوایەی بەرزکردۆتەوە بۆ دادگای باڵا لە شانشینی یەکگرتوو. هەندێک لەو هەواڵانەی دزەیان کردوە لە دادگاوە وا دەردەخەن کە کۆمەڵێک بەند لەسەر ئەپڵ دانراوە ئەگەر هاتوو لەدادگای باڵا داواکاری یەکەی دۆڕاند بەوەی نابێت ئەو داوای لێبوردنەی کە دەینوسێت سایزەکەی لە فۆنتی ئاریاڵ 14 کەمتربێت بۆچی ئەوە دادگا دەزانێت.

بەڕای ئێوە ئەگەر ئەپڵ داوای لێبوردنی لە سامسۆنگ کرد لەسەر دۆڕاندنی داواکانی چی ڕوو دەدات؟ دەبێت هەوادارانی ئەپڵ ئەوکات چی بلێن .