دوای چەند کاتژمێرێک لە هەواڵی وەشاندنی ویندۆز٨ لەلایەن مایکرۆسۆفت، ئەپڵیش بەهەمان شێوە هەواڵی تەواوکردنی وەشانی«Golden Master» ی سیستەمی کارپێکردنیOS X Mountain Lionڕاگەیاند.بەپێی ئەپڵ ئێستا ئەم سیستەمە ئامادەیەو هیچ هەڵەیەکی تێدانییەو بۆ پێشخەرەن بەردەستە، بەڵام ئەگەر بێتو کەموکوڕی تێدا نەدۆزرێتەوە لەیانە پێشخەرانەوە ئەوا وەکو خۆی دەمێنێتەوەو دەوەشێنرێت.لەکاتی بڵاوکردنەوەی بەرهەمەکانی ئەپڵ لە مانگی ڕابردوودا ، ئەپڵ ئاشکرای کرد کەئەم سیستەمە نوێیە زیاتر لە ٢٠٠ کرداری نوێی لەخۆگرتووە و زۆربەی کردارەکان لەوانەن کە لە سیستەمی مۆبیل تەلەفۆنەکانی ئەپڵدا هەیە، لەو کردارە نوێیانە وەکوNotes, Reminders وە Game Center ، هەروەهاMessages جێگەی ichat دەگرێتەوە، کرداری تر وەکوNotification Center, Share Sheets, AirPlay Mirroring.ئەم سیتەمە نوێیە دەبێتە یەکەم سیستەمی کارپێکردنی OSX کەوا تایبەتمەندی خزمەتگوزاریiCloud لەخۆدەگرێت و باشتر گونجاندنی لەگەڵ بەرنامەبەکاربەرییەکان، جگە لەوانەش کرداریGatekeeper بۆ ئەوەی بەکارهێنەرانی ئەم سیستمە چاوەدێری تەواوی بەرنامە بەکاربەرییەکانی ئەپڵی پێ بکەن لە پرۆگرامی ساختەو سیخوڕی.
نرخی ئەم سیستەمە نوێیە ١٩،٩٩ دۆلاری ئەمریکایی دەبێت وە هەموو ئەو بەکارهێنەرانەی لە ١١ی جۆزەردان وبەدواوە کۆمپیوتەری ماک بکڕن ئەتوانن سیستەمەکانیان بەخۆڕایی بەرزبکەنەوە کاتێک وەشانی کۆتایی وەشێنرا.