سوپاس کاك کۆیان و کاکە هیوا!
ئەم لایکەی ئێرە خۆشە، کەس نازانێت لایککەر کێیە :)
ئاخر مارت خەرا نەبێت کاکە هیوا، مەگەر چ تەوفیرێك هەیە لەمەعبێن بازرگان و سیاسەتمەداری کوردستاندا؟!! هەردووکیان دووڕووی ببوورە دوو ڕووی یەك سکەن!
بۆ پێشنیارەكەت، حەتمەن :)

سوپاس بۆ تێبینییەكەت. لەڕاستیدا "کانوونی یەکەم"یش زایینییە و لە دیسەمبەر دیسامبر وهتد... زیاتر جێی گرتووە.
دیسان دەستخۆش بۆ کۆمێنتەكەتان!

بە خودای نە گورزی دەوێت و نە گۆپاڵ، حەز دەکەیت بڕۆ کتێبە خوێندنەکانی باشووری کوردستان سەیر بکە، ئینجا لە ئینتەرنێتش بگەڕێ، بزانە چیت چنگ دەکەوێت! فەرموو سەیری [url=http://www.google.fi/#sclient=psy-ab&hl=fi&site=&source=hp&q=%DA%A9%D8%A7%D9%86%D9%88%D9%88%D9%86%DB%8C+%DB%8C%DB%95%DA%A9%DB%95%D9%85&pbx=1&oq=%DA%A9%D8%A7%D9%86%D9%88%D9%88%D9%86%DB%8C+%DB%8C%DB%95%DA%A9%DB%95%D9%85&aq=f&aqi=&aql=&gs_sm=e&gs_upl=1539l4224l0l4533l13l9l0l0l0l0l168l1001l4.5l9l0&bav=on.2,or.r_gc.r_pw.,cf.osb&fp=2c036d4942edeee4&biw=1366&bih=632]ئەم لینکە[/url] بکە، ئینجا دەزانی کە کانوونی یەکەم چەند جێیگرتووە!

نەك یەك کانوون، بگرە خۆتیش باش دەزانیت مادام یەکەم هات، بەدڵنیایییەوە [url=http://www.google.fi/#q=%DA%A9%D8%A7%D9%86%D9%88%D9%88%D9%86%DB%8C+%D8%AF%D9%88%D9%88%DB%95%D9%85&hl=fi&prmd=imvns&ei=hD4BT4TeJcSd-Qb7uoXQAQ&start=230&sa=N&bav=on.2,or.r_gc.r_pw.,cf.osb&fp=2c036d4942edeee4&biw=3451&bih=1597]کانوونی دووەمیشی[/url] بەدوادا دێت و ئەمیش لە گووگڵدا ٢١ لاپەڕە ئەنجام دەدات بەدەستەوە! تەنیا كرتەی لینکەکەکان بکە و بیبینە! جا من چیم داوە بە زمانی ئینگلیزی و ئەورووپییەوە، من بەکوردییە حەیاتەکە بۆت دەنووسمەوە:

١- کانوونی دووەم ٢- شوبات ٣- ئازار ٤- نیسان ٥- ئایار ٦- حوزەیران ٧- تەممووز ٨- ئاب ٩- ئەیلوول ١٠- تشرینی یەکەم ١١- تشرینی دووەم ١٢- کانوونی یەکەم

ئیتر تۆش گەر زەحمەتی ئەو ئینگلیزی ئەورووپیانە بکێشیت یان نا، هیچ لە مەسەلەکە ناگۆڕێت، چونکە ئەوانە خۆت-واتەنی ئینگلیزی و ئەورووپین، نەك کوردی. بۆ زانیاریت ئەم ناوانە لە سوریانییەوە هاتۆتە ناو زمانی کوردییەوە و چاو لەم ژێدەرانەش بکە: [url=http://ckb.wikipedia.org/wiki/%DA%A9%D8%A7%D9%86%D9%88%D9%88%D9%86%DB%8C_%D8%AF%D9%88%D9%88%DB%95%D9%85]ژێدەر ١[/url]، [url=http://ckb.wikipedia.org/wiki/%DA%95%DB%86%DA%98%DA%98%D9%85%DB%8E%D8%B1%DB%8C_%DA%AF%D8%B1%DB%8C%DA%AF%DB%86%D8%B1%DB%8C]ژێدەر ٢[/url]، [url=http://en.wikipedia.org/wiki/Arabic_names_of_calendar_months#Levant]ژێدەر ٣[/url]، [url=http://geonames.de/months.html#ara]ژێدەر ٤[/url]. واتە ئەم ناوانە لە عەرەبی و فارسی و تورکییەوە وەرنەگیراون، کە کەسانێك هەن زۆر بە هەر وشەیەك لە زمانانەوە هاتبنە ناو کوردییەوە قەڵس و هەستیارن و دەڵێن وشەیی داگیرکەرانە، خۆ ئەمە هی سوریانییەکانە و هی داگیرکەران نییە، بگرە هی داگیرکراوانە!!!

ئینجا تێبینییەكی چکۆلە: ئەوەندەی بەندە ئاگادار بێت و لە ئەدەبیاتی حیزبەکانی کوردستانی ئێران زیاتر لە هیچکوێی تردا ئەو ناوانەی جەنابتان مەبەستانە لە هیچ پارچە و حیزب و رێکخراویکی تری كوردستاندا جێینەگرتووە و ناگرێت!
بەسوپاسەوە.

ئەزیزم،

من باشت تێدەگەم و ئەوە تۆی کە شتەکان لە خۆت و خەڵكیش ئاڵۆز دەکەیت. هاتوویت لێرە خۆزگە دەخوازیت کە کانوونی یەکەم نەخەمە ناو بابەتەکەم، بە گومانی تۆ چونکە لە کوردیدا جێی نەگرتووە، کە لەڕاستیدا دروست پێچەوانەکەی ڕاستە.

ئەزیزم، من ئێستاش چەندین "ڕۆژژمێری هاوسەر"م هەیە کە لە هەشتاکان و نەوەدەكاندا و لەوانەیە ئێستاش لە سلێمانی چاپ و بڵاو ببێتەوە و ئەو ناوانای تۆ دەڵێیت لە کوولەکەی تەڕیشدا باسیان نییە! مەبەستی من زیاتر ئەوەش بوو لە کوردیدا زیاتر ئەو ناوانەی لەسەرەوە بۆم نووسین بۆ ڕۆژژمێری زایینی لە کوردیدا بەکار دەهێنرێن، نەك بێین و لە بنجوبناوانی هەریەك لەوانە بکۆڵینەوە.

ئینجا سەبارەت بە ئەدەبیاتی حیزبەکانی ڕۆژهەڵاتی کوردستان، دەبێت بەبیرت بێنمەوە تۆ لەخۆڕا ڕاڤەی هەڵەی بۆ دەکەیت، ئەگینا من مەبەستم لە هۆیەکانی ڕاگەیاندنی ئەو حیزبانەیە وەكوو ڕۆژنامە، گۆڤار، ڕادیۆ و ئێستاش تەلەفزیۆنەکانیان -ئەوەش ڕاستییەکە و نکوولی لێناکرێت کە وێژە و زمانی فارسی چەندە کاریگەرە بەسەر ئەدەبیاتی ئەو حیزبانەدا-، چونکە بەڕاستی کەم لەگەڵ سیاسەت و شتی وا تێكەڵیم هەیە، ئەگینا شتێکیش هەر لەوبارەیەوە دەزانین. بۆ ئەوەش دەڵێیت من بە ڕق و کینەوە شت بنووسم، لە بوختان و تۆمەتهەڵبەستن زیاتر بە هیچی تر ناچێت و هیوادارم داوای لێبورد بکەیت، چونکە دەبێت ئەوە بزانیت، کە گەر من بە ڕق و قینەوە بنووسم، قەت نایەم لە بابەتەکانتدا کۆمێنت و دەستخۆشی و تێبینیی خۆمت بۆ بنووسم. ئێستاش ئەگەر لە جەنابت زیاتر پەرۆشی کوردییەکی پاراو و پەتی نەبم بەدڵنیایییەوە بزانە کە کەمتر نیم! ئەگەریش بزانم تۆ بەڕقەوە شت دەنووسیت، ئەوە کۆمێنت بۆ هیچ بابەت و بۆچوونێکیشت نانووسم و وەڵامیشت نادەمەوە. وەك ئەوەی لە هەمان [url=http://kurditgroup.org/comment/70483#comment-70483]بابەتی نەخشەکێشەک[/url]ە لە بابەت دەرچوویت و بێڕێزیت کرد، ئیتر وەڵامم نەدایتەوە. تۆش دەتوانیت بیسەلمێنیت کە من چ بێڕێزییەکم کردووە بەرامبەر جەنابت؟! ئەوەندەی من بزانم تۆ لە بێپێچوپەنایی و بەپەرۆشبوونم سەبارەت بە زمانی کوردی قەڵسیت یاخود دەمارگیریی حیزبایەتی وات لێدەکات وا بیر بکەیتەوە؟! بەهەرحاڵ، گەر دڵت لەئاست دەستنیشانکردنی ڕاستییەکاندا فراوان نییە، ئەوە کێشە لە منەوە نییە؛ ئەگەریش دەتەوێت تێكگیرانی زمانەوانی لەنێوانماندا ڕوو نەدات، ئەوە من ئیدی لەمەودوا توخنی بابەت و بۆچوونەکانت ناکەوم و تۆش دەتوانیت وا بکەیت، گەر بتەوێت!

ئەو خشەیەش کە بەزۆر کوردییەکەت پێوە لکاندووە، پێیدا دیارە فارسێك نووسیویەتی لەبنەڕەتدا و دڵنیاش بە قەت چاویان نە بە تۆ و نە بە زمانەکەشدا هەڵنایەت و بە هەموو شێوەیەك ڕەتت دەکەنەوە. ئینجا من چەند ژێدەرەێکم بۆ نووسیت، بەڵام دیارە هەر چاویشت پێدا نەخشاندوون. من پێشتریش ئەوەم لە کۆمێنتی ٧٠ی [url=http://kurditgroup.org/node/13909]ئەم بابەتەدا[/url]، کە جەنابیشت بەشداریت تێیدا هەیە، بەبەڵگەوە ڕوون کردەوە کە قەت ئەو مانگە کوردییانەی خۆمان بەرامبەر زایینییەکان ناوەستنەوە!!!

بەڵێ، دەتوانم نموونە بێنمەوە هەر لە ڕۆژنامە و گۆڤارەکانی کوردستان و لاوانەوە بگرە تا ماڵپەڕ و ئەو تەلەفزیۆنەش کە تۆ خۆت خاوەن ٥ ساڵ خزمەتیت تێیدا! بۆ دەتەوێت نکوولی بکەیت لە کاریگەریی زمانی فارسی -نەك فارس- بەسەریانەوە؟!!! هەر بۆ خۆشی ماڵپەڕەم کردەوە، فەرموو ئەوەش نموونە و مشتێك لە خەرواری ئەو کاریگەرییانە: ([url=http://ckb.wikipedia.org/wiki/%D8%AE%DB%86%D8%B1]مەجلیسی شۆرای ئیسلامیی[/url] ...). لەبەر ئەوە نەبێت وا گومان ببرێت کە باسەکە بەرەو سیاسەت دەڕوات، ئەگینا نموونەی خەروارنوێنی هەموو لایەنەکانی تریش دێنمەوە بە کۆمەڵە و خەبات و مەباتیشەوە. ئەوە قسەکانی تۆیە قسە دەهێنێت، ئەگینا باس بەلاڕێدا ناچێت! ئینجا زۆر بەزەییم بەو ڕێنووسەشدا دێتەوە کە پێیدەنووسیت، باشتر نییە لەبری ئەم چەلەحانێیە، سەرەتا هەندێك ئەو لایەنەت بەهێز بکەیت!

سەیر لەوەدایە بە پسپۆڕ خۆی بڵێیت هیچی لێنازانیت و بە قەساب بڵێیت گۆشت بۆ تۆ نابێت؟! هاوسەر کە بەتایبەتی کاری ساڵنامە و ڕۆژژمێریان دەکرد، بە چی پێوەرێك بە نەزانیان لەقەڵەم -ببوورە لەپێنووس- دەدەیت؟!!

لە هەمووی خۆشتر ئەم (دیما)یە، بەبێ سێودوو هاتووە خۆی کردووە بەناودا و ئامۆژگاریی ئەوەم دەکات کە -ئاخاوتن و نووسین- جودان، نازانێت منیش هەر ئەوێم دێشێت!!! بەڕێزم ئەو وشانەی بە نموونە داتناوەتەوە لەبەر خاتر و دڵی کەسانیكی تۆئاسا نووسراوە، ئەگینا:
١- ڕەچاوکردنی خاڵبەندیت هەر زۆر جێگای بەزەییپێداهاتنەوەیە!
٢- هتد...، نەك ...هتد
٣- هەموو، نەك هەمووو
٤- پەکوو، نەك پەکوووو یاخود هێشتا واوێکی ترت کەمە؟
٥- كوردییەی، نەك کوردیەی
٦- نووسین. نەك نوسین
٧- چۆن، نەك چلۆن، چلۆن هەرچەند هەولێرییە بەڵام زۆر لە (شلون = أي لون) ی جڵفیی عێراقییەوە نزیکە
٨- بە هەمان، نەك بەهەمان
٩- لێكجودان، نەك جودان
١٠- بشنووسیت، نەك بشنوسیت
١١- زمانیار، نەك زماندار یان قەی ناكات لەوانەیە بیناییت تەواو نەبێت
بۆیە، تۆیەك لە ٣ دێڕدا ئەوەندە هەڵەت هەبێت، باشترە بڕۆیت عەرەبانەکەی خۆت ڕاکێشیت نەك هەر وا بەبێ ودم خۆت بکەیت بەژووردا و شەلم کوێرم ناپارێزم، تەڕ و وشك پێكەوە بسووتێنیت!

لەگەڵ ڕێزم،

کاك/خاتوو دیما،

زۆرم هەوڵ دا کە وەڵامت نەدەمەوە، بەڵام لەبەر ئەوەی دەتەوێت لە ئاوی شلوێدا ماسی بگریت، نەکرا!

باش بزانە، کە بەندە و کاك حامید زۆرجار لەسەر مەسەلە زمانەوانییەکان دەبێتە مشتومڕ لەنێوانماندا و تێكدەگیرێین، بەڵام هەردەم لە کۆتاییدا لەبەر بەرژەوەندیی زمانەکە، هەموو شتێكمان خستۆتە لاوە. ئێستاش جەنابت هاتووی بەم هەموو هۆشەتەوە کەڵکی نادروست وەربگریت و دەتەوێت بەفیتوفاتکردن دۆخەکە زیاتر ئاڵۆز بکەیت و بە گومانی بێئاکام و خەیاڵی خاوت شتێكت گیر بکەوێت!!! لە هەمووی سەرسوڕهێنەرتر ئەوەیە پەنات بۆ شتی کەسی و تایبەت بردووە، بەبێ بچووکترین ئاماژە بۆ کرۆکی ئەم بابەتەی کە لێرە جێی دەمەتەقێیتە!!! ئینجا هاتووە وانەی لەخۆبوردوویی و سادەییمان بۆ دەڵێتەوە! لێ بە نووسینەکەتدا دیارە کە ئاستی ڕووناکبیریت چەند لەخوارە و دیارە کە ئەم خەتخەتێنەت بەمیرات بۆ ماوەتەوە و پیشەی چەندساڵەتە و ئێستا هاتووی و دەتەوێت دەستە چەورەکەی خۆت بەمندا بسڕیت! لێ، تەنانەت بە شایانی ئەوەشت نازانم کە داوات لێبکەم داوای لێبوردن بکەیت. بڕۆ هەرچی دەکەیت بیکە و ئەوە دواخاڵ بێت بۆت.