سپاس و دەستخۆش بۆ تۆ. بەڵام لەسەر تێبینیەکەت لەگەڵت نیم. لەبەر ئەوە بە بڕوای من لە مێژە ئەو کێشانە چارەسەر کراون و پێویستیان بە شێواندنی دووبارە نیە. لەبەر ئەوە پیتی "هـ" هەرگیزاوهەرگیز" لە کۆتایی وشەدا نەهاتووە و نایە. ئەم جۆرە هێیە کە هێی دووچاوی پێ دەڵێن، تەنیا لە سەرەتای وشەدا دێن نەک لە کۆتاییدا! ئەو شێوە نووسینەش لە ناوە کوردیەکاندا هەیە بۆ وێنە Kavah و یان Kawah هەرچەندە من بۆ خۆم بە "Kawe"ی دەنووسم، راست لە کوردییەکەدا دەکاتە "کاوە" کەسیش لەسەر ئەمە تا ئێستا کێشەی نەبووە، پێشم وا نیە ئەمە کێشە بێ. تازە من ناوی کابرام لەسەر تویترەکەی خۆیشی دیت کە بەو شێوازە نووسراوە لە وێنەکەشدا دیارە. لەسەر کاف "ك" و "ک"ش بە هەمان شێوە، کەس نکۆڵی لەوە نیە کە کافی گەورە "ک" یە و هیچیتر. رەنگە بۆ کوردی نووسین لە کۆندا "ك" بەکار هاتبێ، بەڵام لە راستیدا ئەم "ك"یە کوردیی نیە و هیچ مانایەکیتریش بێ جگە لە "ک"نادا، وشەکان لە کوردییدا بە پێچەوانەی لاتینی بە پیتی گەورە تەواو دەبن، ئەگەر هەمووشیان وا نەبن بە زۆری وان بۆ وێنە: دایک و باوک ئیتر کێ جەچێ زەحمەت بە خۆی دەدا و دوو دگمەی تەختەکلیلەکەی دابگرێ لەبەر ئەوە بنووسێ "دایك" و "باوك"؟!
لەبەر ئەمەنانەی سەرەوە تاکوو بڕیارێکی فەرمی لەسەر ئەوە نەیە و نیشێوێنن بە یەکا، بەو جۆرە بنووسرێن سەرئێشەی کەمترە.
لەگەڵ رێزمدا.

وا بزانم کاتژمێر ٠٠:٥٦ کەسێک ماڵپەڕەکەی نوێ کردەوە یان بابەتێک نووسرا هەر بۆیە زۆرم بۆ نووسیبووی نزیک یەک لاپەڕەم نووسیبوو هەمووم لێ فەوتا، لەبەر ئەوەش بەراستی ناچمەوە سەری و دیسان بیاننووسمەوە، بە کوردتی بۆت دەنووسمەوە. خۆزگە ئەوانەی کە لە بنەوە کات و ساتی نووسینەکان دەبینن، بیانزانیبایە ئەو نووسینەی من ماوە یان نە.
بەڵام کاکی خۆم هێندیک گرفت هەیە زۆر گرینگ نین و باس کردنیان هێندە لە باردۆخەکە ناگۆڕێ، یان بە کوردی گوتەنی "چاکی نەکەین با خراپ نەبێ" یان سەرێک ئائێشێ بۆ بیبەستین. گوناح بنووسە لە جێگای گونا، هاومانان و هیچ کێشەش ناخوڵقێنێ. لەوە دەچێ ئەگەر لە رەگ و ریشەکەشی بگەڕێی کوردیش نەبێ. ئەو جۆرە وشانە کەمن و کێشە خوڵقێن نین. هەروەها بۆ "فرە" من ئەوا زیاتر لە ٤٠ ساڵە "فرە"م بەکار هێناوە و هیچ کێشەشم تێدا نەبینیوە. فرەشت ناوێ هاومانەیەکی دیکەی لە زاراوەیەکی دیکەدا بۆ بدۆزەوە، خۆ لە زمانی کوردیدا هیچمان نەبێ زاراوەمان زۆرن. وشەی هاومانەی "فرە" (کە لە راستیشدا هەر وا دەنووسرێ) وشەی "زۆرە" دەتوانی "گەلک" یان "گەڵێک"یشی بۆ بەکار بێنی.
لەسەر "ک" و "ك" کە تۆ پێت وایە من دوو شتی جیا لە یەکم وتووە، لە راستیدا یەک شتن رەنگە فورمۆڵە کردنی رستەکە وای کردبێ کە وا بزانی دوو شتە یان هەر بە قەستی وا بزانی دووانە و یان وەک زۆر کورد دەتەوێ تەنیا وا نیشان بدەی کە دووانە. بە کورتی مەبەستم ئەوەیە کە بۆ وێنە ٦٠ ساڵ لەمەوبەر کە هێشتا "ئا" لە هەوەڵ وشەوە نەدەنووسرا، "ك" زۆر بەکار دەهات. وەک ئێران = ایران، ئازا= آزا و هیتر. ئەم "ك"یەش وایە بەرە بەرە زانیان کە لە باری فونوتیکەوە هێندە لە دەنگ و مانادا لە "ک" جیا نیە و هەمان "ك"یە ئیتر بۆ زەحمەت بە خۆیان بدەن و پیتچینی بۆ بکەن کە ئەو کات پێش ئەوەی مەکینەی تایپ کردن بێتە ئاراوە، کاری هەر کەسێک نەبووە و رەنگە لە شارێکدا تەنیا چەند کەس ئەو کارەیان وەک پێشە هەبوایە و کاتی زۆری دەگرتن. ئێستاش بۆ خۆت لێکی بدەرەوە کە بۆ نووسینی "ك" داگرتینی دوو دوگمە پێویستە، لە لاپەڕەیەکی ئا٤ دا ئەگەر هیچ نەبێ ٢٠ دانە "ك" دەنووسرێ، کەوابوو دەبێ ٤٠ دوگمە دابگیردرێ و نیوەیان لە خۆڕایین. کە وابوو ئەگەر کتێبێکی ٥٠٠ لاپەڕەیی تایپ بکەین دەبێ چەندە دوگمەی بێهۆدە لێدەین! ئەمەش هیچ نەبێ کاتێکی زۆرمان لێ دەگرێ. ئەوەک ئەوە وایە کە چەندین لاپەڕەیترمان تایپ کردبێ.
پێت وایە فارس زۆرتر "ک" بەکار دێنن. من پێم وایە کورد زیاتر لە فارسیش بەکاری دێنن. بە پێچەوانەش "ك" زیاتر لە عەرەبیدا باوە و ئەوان کەڵێ لێ وەردەگرن. جا کەی و کێ هەوەڵجار بەکاری هێناوە، پێوەندی بە ئێمەوە نیە.
زۆر کێشەی دیکە هەیە کە دەبوایە لێرەدا باس بکرێ کە زۆر زۆر لە "ک" و "ك" گرینگترن، لانی کەم بۆ خۆمان کە لەم سەکۆیەدا دەنووسین لەسەریان ساغ ببینەوە و باس ناکرێن کەچێ باسی شتێک دێتە گۆڕێ کە بەراستی هیچ دەردێکمان بۆ دەوا ناکا.
بژیت