کۆمپانیای [url=http://www.philips.com]Philips[/url] بۆ یەکەم جار ئامێرێکی لێدانی موزیک و ڤیدیۆی دروستکرد ، هاوشێوەی (Ipod Touch) ی بەرهەمی نوێی Apple.
ئەم ئامێرە نوێیە ناوی ”GoGear Connect “ ە ، سیستەمی کارای ئەندرۆیدی گوگڵی تێدا بنچینەیە ، کە لەم ڕۆژانەدا سیستەمی ئەندرۆید زۆر لە پەرەسەندندایەو گۆشەیەکی گرنگی بازاڕی مۆبایلی بۆخۆی دەستبەرکردووە.
کۆمپانیای ناوبراو لە گۆنگرەیەکی ڕۆژنامەگەریدا ڕایگەیاند «GoGear Connect» پیشانگەرێکی ٣،٢ ئینجی ساوپەردەی(تەچ) هەیە بە قەبارەی ٤٨٠x٣٢٠ پیکسەل , و ژمارەیەکی زۆر پرۆگرامۆکەی تێدا دامەزراوەو دەتوانرێت زیاتر لە ٧٥ هەزار پرۆگرامۆکە و یاری بۆ داببەزرێنێت لە بازاڕی ئەندۆرید.
ئەم میدیا لێدەرە قەبارەکەی ١٢٨ گرامە و پێوانەی ١٣x١٢،٦x٥٩ ملیمەترە وپشتگیری زۆربەی فۆرماتەکانی دەنگ و ڕەنگ دەکات و دەتوانێت ڤیدییۆ لێبدات بە جۆرایەتی ٧٢٠x١٢٨٠ .
جگە لە لێدانی ڤیدیۆ و موزیک دەتوانرێت ئینتەرنێت بەکاربهێنرێت و سود لە Google maps وەربگرێت وەکو GPS .
هەروەها قومباس و کامیرای وێنەو ڤیدیۆی لەخۆگرتووە و بیرگەکەشی دەتوانرێت فراوانبکرێت بە یارمەتی “MicroSD”.
ئەگەر GoGear Connect “ بەراورد بکەین لەگەڵ ئایپۆد نوێ دا ئەوا ئایپۆد نە قومباس و نە کارتخوێنەری لەخۆ نەگرتووە.
جێگای ئاماژەیەGoGear Connect “ پشتگیری بێسیم (WLAN) و Bluetooth دەکات و قەبارەی ١٦ گیگابایت بیرگەی لەخۆگرتووە و بریارە مانگی ١١/٢٠١٠ بکەوێتە بازاڕە و نرخی ٣١٥ دۆلار دەبێت.

سەرچاوە:
Philips, Engadget