-
دەزگا بڕیاردەرەکانی حکومەتی ئەڵمانیا ، هۆشداریان دایە بەکارهێنەرانی ئینتەرنێت کەوا بەهیچ شێوەیەک ، وێبگەڕی " Internet Explorer " بەکارنەهێنن ، لەبەرئەوەی کۆدێکی هێڕشبەر دژی ئەم وێبگەڕە لەسەر لاپەڕەکانی نێت بڵاوکراوەتەوە کە دەبێتەهۆی زیانگەیاندن یاخود تێکشکاندنی سیستەمەکانتان.
جێگای ئاماژەپێکردنە ئەم کۆدە هێڕشبەرە ، هەمان ئەو کۆدەیە کە هاککەرە چینی یەکان هێڕشیان پێ کردە سەر گــوگــڵ و بووە هۆی دروستکردنی ناکۆکی و بانگهێشتکردن و ئاگادارکردنەوەی سەفیری چین لە ئەمەریکا.
بەپێی Computerworld کۆدەکە نێردراوە بۆ شیکردنەوە لە ماڵپەڕی شرۆڤەکەران لە "Wepawet" .
"Dave Marcus" لە کۆمپانیای ئەنتی ڤایرۆسی McAfee دەڵێت ، کۆدەکە بە شێوەی تولئامرازی هاکک لە ڕۆژی هەینیەوە بوونی هەیە ، وە نابراو مەترسی ئەوەی هەیە کە بەشێوازی جیاواز هێڕشی پێ بکرێتە سەر بەکارهێنەران.
هێڕشەکە زیاتر بۆ Windows XP و Internet Explorer 6.0 زۆر دژوارە ، بەڵام بۆ سیستەمەکارگێڕیەکانی تری ویندۆز و وەشانەکانی تری Internet Explorer جێگای مەترسی یە.
شایانی باسە پسپۆڕانی پاراستن وا باوەڕدەکەن ئەم کۆدەتێکشکێنەرە هەمان ئەو کۆدەیە کە لەمانگی ١٢ ڕابردوو ، هێڕشی پێ کرایە سەر ٣٣ کۆمپانیا لەوانە Google و Adobe وە Yahoo .
" Marcus "لەوباوەڕەدایە کەوا مایکرۆسۆفت تاکو ٩/٢ ، ئەم کەلێنەی پێ پینە ناکرێت ، بۆیە باشترین چارەسەر بۆ خۆپاراستن لەم کۆد و ڤایرۆسانە ، بەهیچ شێوەیەک Internet Explorer بەکارمەهێنن ، بەڵکو دەتوانن لەجێگەی IE ، وێبگەڕەکانی [url=http://www.opera.com/download/]OPera [/url] یــــان [url=http://www.mozilla-europe.org/en/]Firefox[/url] بەکاربهێنن.