تۆ لێرەیت

ماڵەوە سه‌‌کۆ زمانی کوردی

برسيار

هاواربانيخيلانى

هاواربانيخيلانى

بڵاوکراوەتەوە

2008/01/24

دۆخی بوچوون

خوێندنەوە  ۔1۔ )

ئايا زمانى ره سه نى كوردىكام له مانه يه.؟ سورانى، كرمانجى ؟ یا هه ورامى ؟.

سڵاو به‌ڕێز
كرمانجی ناوی دوو شێوه‌زار= دیالێكت ی زمانی كوردیه‌: كرمانجیی ژووروو و كرمانجیی خواروو.
سۆرانییش لقێكه‌ له‌ شێوه‌ زاری كرمانجیی ژووروو.
هه‌ورامییش لقێكه‌ له‌ شێوه‌زاری گۆران.
ئه‌مانه‌ و شێوه‌زاره‌كانی دیكه‌ و لقه‌كانیان هه‌موویان زمانی كوردی پێكه‌وه‌ پێك ده‌هێنن.
هه‌ر وشه‌یه‌ك كه‌ له‌و شێوه‌زارانه‌ بێت و له‌ زمانی بێگانه‌وه‌ وه‌رنه‌گیرابێت ئه‌وه‌ وشه‌یه‌كی ڕه‌سه‌نی كوردیه‌.
واته‌ ناتوانین بڵێین ئه‌مه‌یان ڕه‌سه‌نه‌ و ئه‌وه‌یان ناڕه‌سه‌نه‌ ، ئه‌وانه‌یش كه‌ وا ئێژن ئه‌وه‌ له‌ نه‌زانی و له‌ ڕوانگه‌ی هۆزچێتی و ناوچه‌گه‌ریه‌وه‌‌ ده‌یڵێن.
ئه‌گه‌ر زمانی ئه‌ده‌بیشت مه‌به‌ست بێت ، ئه‌وه‌ی كه‌ به‌رچاوه‌ و ناكرێ پێی لێ بنرێت ، ئه‌وه‌یه‌ كه‌ شێوه‌زاری كرمانجیی خواروو ـ كه‌ به‌ گوزارشتێكی نادرووست سۆرانیشی پێ ده‌ڵێن ـ ئه‌و سه‌نگه‌ره‌ی هه‌ر له‌ مێژه‌ گرتووه‌.
به‌ڵام هێشتا ئه‌ركی سه‌رشانی زمانه‌وانانی كورده‌ كه‌ به‌ هه‌ره‌وه‌زی و كۆكاری قۆڵ هه‌ڵكه‌ن بۆ په‌ره‌پێدان و پێشخستنی زمانی ئه‌ده‌بیمان ، تا دوانه‌كه‌وێن و نه‌كه‌وین ژێر شاڵاوی ئه‌و پێشكه‌وتنانه‌ی كه‌ ڕۆژ له‌ دوای ڕۆژ به‌گوڕتر ده‌بێت ، به‌تایبه‌تیش له‌ بواری تێكنۆلۆجیا دا.
ئه‌وه‌ گوتم ئه‌ركی زمانه‌وانان ، به‌ڵام له‌ پێش ئه‌وانیش و هه‌مووانیش دا كاربه‌ده‌ستان و به‌تایبه‌ت ئه‌وانه‌ی باشوور ، كه‌ له‌م باره‌یه‌وه‌ له‌ گوێی گادا خه‌وتوونه‌.

تێبینی:
سه‌باره‌ت به‌ دابه‌شكردنی شێوه‌زاره‌كانی كوردی ڕای جیاواز هه‌ن ، وه‌ ئه‌وه‌ی من له‌سه‌ره‌وه‌ نووسیم ڕای به‌ڕێز مامۆستای پایه‌به‌رز "تۆفیق وه‌هبی" یه‌ ، هه‌روه‌ك له‌ كتێبی "مێژووی زمانی كوردی" دا هاتووه‌.

هه‌ر بژین و بێوه‌ی بن.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ناڕێكوپێكه‌ و ڕاست نه‌گوتراوه‌ ٭٭٭٭٭ خامه‌ پۆسته‌چیی دڵ و هه‌نــــاوه‌
خامه‌ نووسه‌ری ته‌نها زمانه‌ ٭٭٭٭٭ زمان جامۆڵكه‌ و دڵ ده‌ریای ئــاوه‌