"هەڵگرتن" بەكاردێت و منیش زۆر به جوانی نازانم، بەڵام ئەگەر وشەكه 100 جار له دڵی خۆت دووبارەكەیتەوه، دڵنیام لێی ڕادێت و به دڵت دەبێت.

سڵاوو.
كاك داستان بە بۆچوونی من (( پاراستن )) باشتر دەگوونجێت.

به ‌ڕای من ئه وه ی كاك به رده قانی له مانای ‌وشه كه وه نزیكه ....

بۆ خاتری خوا كاك داستان تۆماركردن كەی بۆ (سەیڤ) ئەبێ كاك دیاكۆ ئاگای لێمان بێت توڕە‌ئە‌بێ.
تۆماركردن تەنها بەشتێك ئەوترێت كە بنووسرێت، یاداشت بكرێت.
بە بۆچونی من دانان ، پاشەكەوت ، پاراستن،هەڵگرتن. ئەگەر بەكوردی پەتی بمانەوێ
بە كوردی عەرەبی باویش (خەزن) كردن یا (عەمار) یا (عمبار) كردن

سلاو
وا بزانم دابستن له هه مۆی باشتره ئه و ه رای خۆمه...له گه ل ریزم بۆتان

كاك هێمن ئه پده یتی به رده قانی كردوه...زۆۆر جوانه..نه كه ی كاكه داستان..با هه ر ناوت داستان بێت

من به گوێرەی پله، له پلەی یەكەمدا (پاشەکەوت) و له پلەی دووەمدا (هەڵگرتن) بە باش دەزانم.
كاتێ وشەیەك بەرانبەر به زاراوەیەكی كۆمپیۆتەر دادەنرێت زۆر باشه تا دەكرێ وشەیەك بێت كه بیرت بۆ شوێنی دیكه نەبات، من دژی (هەڵگرتن، هەڵگره) نیم بەڵام هەست دەکەم ئەو وشەیە زۆر بۆ (بەرزكردنەوە)ش بەكار چووه، بۆیه من (پاشەكەوت، پاشەكەوتكردن، پاشەکەوت بكه، پاشەكەوتی بكه) به گونجاوتر دەزانم، هەرچەند ئەم وشەیه تۆزێ قورستره بەڵام هەر به گونجاوتری دەزانم واته:
(پاشەكەوت = save )

ئێمه له زانستپەروەرانی كورد، له كۆبوونەوەی داهاتووماندا هەوڵ دەدەین ئەو زاراوەیه بخەینه بەر تاووتوێكردن و بڕیارلەسەردان.
ئێوەش دەتوانن لێره پێشنیاری خۆتان بنووسن. زۆر به ڕێزەوه لەبەرچاو دەگیرێ.

ئاخۆ ڕ‌ای ئێوەی خۆشەویست چی بێت؟

منیش ڕای خۆم بنووسم لێره. بەڕای من ''تۆماركردن'' تەنها ووشەیه كه نزیك بێت له واتای سەیڤ. هەروەك پێشووتریش باسمكرد، زمانی كوردی جیاوازه لەگەڵ زمانی ئینگلیزی. سەیڤ له ئینگلیزیدا زۆر واتای جیاوازی هەیە و ناكرێت بڵێیت ''پاشەكەوت'' یاخود ''هەڵگرتن''.

ووشەی ''پاشەكەوت'' كاتێك بەكاردێت كه لەبڕێك شت كەمێكی لێجیاكەیتەوه و پاشەكەوتی بكەیت؛ بەشێكی لێ هەڵگریت بۆ داهاتوو.

ووشەی ''هەڵگرتن'' زیاتر بۆ شتومەكێك بەكاردێت كه بتوانرێت ببینرێت بەچاو؛ تۆ ناڵێت بیرەوەرییەكانم هەڵئەگرم بەڵام ئەتوانیت پێنووسەكەت هەڵگریت.

ووشەی ''تۆمار'' تایبەته به ''زانیاریی'' و ڕاستترین ووشەیه بۆ سەیڤ. زانیاریی ناخرێته ناو شتێكەوه بەڵكو تۆمارئەكرێت لەسەر شتێك.

بەڕێز بەڵێن زۆر سوپاس بۆ بەشداریكردنت، نیشانەی خەمخۆری و دڵسۆزیی بەڕێزته سەبارەت به زمانی كوردی.

بۆ ئەوەی تۆزێ زیاتر بابەتەكە شی كەینەوه و مەودای بیركردنەوەمان بەربڵاوتر بكەین حەز دەكەم چاوێكیش به هەندێ (فەرهەنگنامه) بخشێنین:
::::::
1. هەنبانەبۆرینه، مامۆستا هەژار، سەبارەت به (تۆمار) دەڵێ:
تۆمار = 1. قاقەزی نووسراوی لوول‌دراو. 2. نووسین له دەفتەردا.

:::::
2. كوردستان، گیوی مووكریانی دەڵێ:
تۆمار: چەند نامەیەكی نووسراوی خەتخۆشه، كه بەچریش سەرەكانیان لێك دەدرێ و لوول دەدرێ تا قوتابی كەمكەمه بیخوێنێ و لەبەر بنووسێتەوه و لە‌سەری فێره نامه نووسین و خووێندنەوه بێ. زابەند.

::::
فەرهەنگی ئۆسفۆرد، سەلام ناوخۆش سەبارەت بە save دەنووسێ:
1. ڕزگاری دەكا ـ د‌ەبێ. 2. دەپارێزێ. 3. پاشەكەوت دەكا. 4. پێویستی پێ نابێت.
هەروەها بۆ saving دەنووسێ: رزگار كردن ـ پاشەكەوت كردن.

::::
فەرهەنگی جاف، ئیحسان عەلی:
ڕزگار كردن = save
پاشەكەوت = savings

:::::
فەرهەنگی قوتابی، ئینگلیزی ـ كوردی:
ڕزگار كردن، پاشەكەوت كردن = saving

::: وشەی save له زمانی سویدیدا پێی دەوترێ spara و ئەم فەرهەنگانه وا دەنووسن:
فەرهەنگی سوێدی ـ كوردی، حەسەن قازی، هیوا كاردۆیی:
پاشەكەوت كردن، هەڵگرتن، ڕاگرتن، وەسەریەك نان، پاراستن = sparar

:::::
فەرهەنگی سویدی كوردی، مژده خەلیل ڕەشید:
پاشەكەوت كردن، هەڵگرتن، دەست پێوە‌گرتن = spara

:::
له زمانی فارسیدا پێی دەوترێ: ذخیره، حفظ.

:::
تێبینی:
زۆر فەرهەنگی كوردیم سەیر كرد له هیچكامیان بەو جۆرەی كه بەڕێز بەڵێن بۆ (پاشەكەوت) نووسیبووی:

"(ووشەی ''پاشەكەوت'' كاتێك بەكاردێت كه لەبڕێك شت كەمێكی لێجیاكەیتەوه و پاشەكەوتی بكەیت؛ بەشێكی لێ هەڵگریت بۆ داهاتوو. ووشەی ''هەڵگرتن'' زیاتر بۆ شتومەكێك بەكاردێت كه بتوانرێت ببینرێت بەچاو؛ تۆ ناڵێت بیرەوەرییەكانم هەڵئەگرم بەڵام ئەتوانیت پێنووسەكەت هەڵگریت.)"
نەنووسرابوو‌ن.
واته مەرج نییه پاشەكەوت كردن تەنها بەشێك له شتێك بێت دەتوانی هەموو شتەكەت پاشەكەوت بكەی.
سەبارەت بەچاو بینینی هیچ نەوتراوه، گریمان واش بێت، زۆربەی ئەو شتانەی له كۆمپیۆتەر save دەكرێ شتێكن كه به چاو دەبینرێن وەكوو نووسینێك، پرۆگرامێك، یان گۆڕانكارییەك له شتێكی پێشووتردا.

ـــــ
ئەو شتانەم لەبەر ئەوە نووسی كه بزانین سەبارەت به save چی نووسراوه.

كاك بەڵێن پێشنیارەكەت بێگومان جێگەی تێڕامانه. بە ڕای من (تۆماركردن) بەو جۆرەی كه له فەرهە‌نگەكاندا نووسراون هێشتا هەموو ماناكەیان نەنووسیوه و ئەو وشە گۆڕانكاریی بەسەر هاتووه و بۆ مەبەستی زیاتریش بەكار دەچێ كه دەبوا بیاننووسیبا وەكوو (تۆماركردنی دەنگ) یان (تۆمارگە) كه زیاتر بۆ ستۆدیۆ بەكار دەچێ. كه خۆی لە خۆیدا تۆماركردنی دەنگ، هاوكات كه جۆرێكه له نووسین دەتوانین بڵێین جۆرێكیشه له save كردن كه لێره له مەبەستەكەی بەڕێزت نزیكتره.
هەر بژیت و سوپاس بۆ بەشداریت.

بە هیوای بەشداران و پێشنیاری تریش.

لەگەڵ ڕێزمدا

بەڕێز كاك دیاكۆ،
من هیچ ڕەخنەیەكم لەو نموونه جوانانەی، كەجەنابت نووسیتن، نیه. هەروەك نوسیومه، ووشەی سەیڤ واتای زۆری هەیه؛ پاشەكەوت، پاراستن، هەڵگرتن، هەموو ئەمانه واتای ئەم ووشەیه پێكدێنن.

كاتێك كه ناودار و سەروەراونی گەلەكەمان ئەو فەرهەنگانەیان نووسیوه، زانیاریی Data نەبووه.

سەبارەت به ''‌زانیاریی''، زانیاریی خودی خۆی بەچاو نابینرێت بەڵام بێگومان كاری كۆمپیوتەر ئەوەیه كه وەریگێڕێت بۆ ئەو نووسین و وێنەو پرۆگرمەی كه بەڕێزت به نموونه هێناوتنەتەوه.

ئێمەی كورد پێویسته تایبەتمەندێتی ووشە نەشێوێنین. هەڵگرتن، پاشەكەوت، پاراستن، هتد. ئەمانه واتای جیاوازیان هەیه. گرنگترین خاڵ كه پێویسته لەیاد نەكرێ ئەوهیه كه ''زانیاریی'' ئەخرێته ''سەر'' شتیێك.

ووشەی ''تۆمار'' هەر بۆ ەنگ نیه بەڵكو هەموو جۆره زانیارییەك. هەربۆیه ''یاداشت'' ـــیش نزیكه له ''زانیارییەوه.

ئەی باشه وشەی تۆمار له ئنگلیزی نابێتە: Record یان to record.
باشه خۆ record كردن له ئنگلیزی زۆر جیاوازه لەگەڵ save كردن.

زمانی نوسینی ئێمه زمانێكی زۆر تازەیه؛ هەرچەنده كوردی بەیەكێك له زمانه زۆر كۆنەكانی جیهان ئەژمێردرێت بەڵام و‌ەك زمانی نووسین زمانێكی زۆر زۆر تازەیه.

كاك بەردەقانی... بۆئەوەی وشەی Record و ووشەی save تێكەڵاو نەبێت، كورد ئەتوانێت ''تۆمار'' بۆ Record و ''یاداشت'' بۆ save دانێت.

خاڵی گرنگ لێرەدا ئەوەیه كه هەردوو ووشەی ''تۆمار'' و ''یاداشت'' نزیكن و ئەشێن بۆ ''زانیاریی''.

كاك داستان... بۆ save as ئەتوانین بڵێین ''یاداشت وەك...''

من ئه ڵێم ...record..زۆۆر جیایه..نمونه كانی دیاكو زۆر ته وا ون..
گه ر وا بڕوات...كاك به لێنMemory Architecture هه نێك به كوردی له سه ری بنوسرێت ئه وكاته كه س نازانێت كێ كێ یه!! تۆمار و یاداشت..جیان له هه ڵگرتن و پاراستن....خودی save له ئینگلیزی باوەر ناكه م مانای یاداشت و تۆمار بدات(دیاره ئه وان باشترین كه سن لێیان فێر بین) فه رمو
http://dictionary.cambridge.org/results.asp?searchword=save
لێریه ته نها ئه م مانایانه ی هه یه..كه وه ك نمونه كانی دیاكویه:
له كه یمبرج ئۆنلاین

save (MAKE SAFE).....سه لامه تاندن(ههه)...واته سەلامەت ڕ‌اگرتن ی كه سێك یان شتێك
save (KEEP)...(هه ڵگرتن)...به تایبه ت پاره.savings ئیحسان ئه ڵێ پاشه كه وت..من ئه ڵێم پاشەکەوت یان پاره ی خه وتوو
..پاشه كه وت كه ر...(وه ك گۆران كوردی)saver
save (NOT WASTE)....(پاشه كه وت..یان ده ست پێوه گرتن..یان (باشترین) به فیڕۆ نه دان)
save (SPORT)........(ڕزگاركردن...وه رزش...تۆپ گه ڕانده وه له چون به گۆڵا)
save (EXCEPT).....(جگه له)
save on sth........(پاشه كه وت كردن بۆ)
save (sth) up....(پاره پاشه كه وت كردن)
save/keep money for a rainy day....(مالی سپی بۆ ڕۆژی ڕه ش)
save sb's bacon/neck......(ڕزگاركردنی كه سێك له مه ترسیه ك)
save the day....(كردنی كارێك كه ڕوداوێكی ناخۆش بگه ڕێنێته وه)
can't do sth to save your life...(زۆر خراپی له شتێكا و من هیجم پێ ناكرێ بۆت)
save sb's life.....(ڕزگاركردنی ژیانی یه كێك)
save your own skin/hide.......(خۆ نه جاتدان..ههه..ئۆخه ی ئۆخه ی هه ركه س بۆ خۆی)
save your breath....(قسه كردن فایده ی نیه..خۆت مانو مه كه)
scrimp and save......(له سه ر ویل ڕۆشتن(ههه)..به پاره یه كی كه م ژیان)

جا ئیتر نازانم ئه مان بیریان چوبێت به مانای یاداشت به كاریان نه هێنابێت
له كاتی كاركردن به تایبه ت له ناوه نده كانی كۆمپیوته ر خۆشیان هه ر ئه ڵێن..save your work..كاره كه ت بپارێزه..كاره كه ت هەڵگره...
ئه گه ر ئه ڵێی دوور و درێژیه..سەرێك له ئه ڵمانی بده كوردی قوت ئه ده ی له خۆشیا!!ئێمه ئه ڵێین...سەد..ئه وزمانه زه به لاحه ئه ڵێ(وه ن هه ندرد)
.....................بزه یه ك:
ده رسی ئینگلیزیم به تورك ئه ووته وه(عاسمان كۆڵه كه ی ئه وێت):
نوسیم ....(باخی ئاژه ڵ) zoo : hayvanat bahcesi...یه ك ته له به كان ووتی:
خۆ لێت تێك نه چوه ئه وه 3 پیته ئه وی ئێمه نیو دێڕه...ووتم خوا ئه تاتورك به لێزه ر بسوتێنی من چی بكه م؟؟
كاكه ئێمه ش نالی و كوردی و سالم هه ر ئه وه نه له هه مبانه بۆریه كه یان هه بوه!
دڵتەڕ(wet hearted)

كاكه هیوا ؛ ئه وه خۆمنیشی تیام ... به رای من ئه م دوو ووشه یه ( پاشەكەوت كردن، هەڵگرتن ) له جێ ی خۆیدایه .

گۆران كوردی

دیسانەوه سڵاو،
سوپاس كاك بەردەقانی بۆ نموونە جوانەكەت سەبارەت به تۆماركردن. لەگەڵتدام.

ئەگەر یاداشت بۆ save دابنرێ ئەی بۆ memorandum چی دابنێین؟ خۆی لەڕاستیدا (یاداشت = memorandum). بەڕای من ئەم هەموو تێكەڵكردنە دەبێته هۆی سەرلێشواندن. جا وەرن (تۆمار) یان (یاداشت) جارێكی تر وەرگێڕنه سەر ئینگلیزی بزانن دەبێته چی؟

ڕای من وەكوو پێشووه (پاشەكەوتكردن، هەڵگرتن = save). زمانەكانی تریش هەر وایان كردووه.

پرسیارەكەی من ئەمەیه ئەگەر بڕیار بێ لەو دوو وشەیه یەكێك هەڵبژێرین كامیان گونجاوتره؟ پاشەكەوتكردن یان هەڵگرتن؟

كاك داستان لای من هیچ ئاڵۆز نییه و ئەگەر من بم له جیاتیی تۆ لەو دوو وشە یەكێكیان هەڵدەبژێرم. من بۆ خۆم زۆرجار (پاشەكەوت)م بەكار هێناوه و هەرچەند (هەڵگرتن)یش به هەڵه نازانم.

سڵاو كاك داستان به ڕای من ووشه ی ( (پاشەكەوت ) له جێ ی خۆیدایه.

گۆران كوردی

سڵاو! منیش لەسەر ڕای كاك گۆران كوردیم، پێشتریش له پرۆرگرامەكانی نووسین له سیستمی ماكنتاشدا هەر بە "پاشەكەوت" وەرگێڕدراوه.
هەر بژین.

لەگەڵ ڕێز و سڵاو، پێشتر هەندێ مشتومڕ لەسەر وشەی save و save as كرا و بێگومان ئەم زاراوانه كۆمەڵێ واتای جۆربەجۆریان هەیه وەك پاشەكەوتكردن، هەڵگرتن، پاراستن، ڕزگاركردن و هتد.
سوپاس بۆ ئەو خۆشەویستانەش كه نموونەی زۆرتریان هێناوەتەوه.
چونكوو ئەم وشانه له بواری كۆمپیۆتەردا بەتایبەتی بەكار دەچن زۆر باشه ئێمەش بڕیار لەسەر یەك وشە بدەین، بەتایبەت وشەیەك كه بیرمان ڕ‌استەوخۆ بۆ ئەو مەبەسته ببات و ئەگەریش وەرگێڕدرێتەوه ئینگلیزی واتاكەی خۆی ببەخشێ. زانستپەروەرانی كورد، له كۆبوونەوەیەكی خۆیدا پاش لەبەرچاوگرتنی هەموو ئەلتەرناتیڤەكانی تر و تاووتوكردنیان و خستنەدەنگدانی ئەلتەرناتیڤەكان بڕیاری زاراوەكانی بەم شێوەیەی خوارەوە دا:
(پاشەكەوت = save )
(پاشەكەوت وەك = save as)

پێش هەمووشتێك دەستان خۆش بۆ هەوڵدان و ماندووبوونتان. زمانی كوردی هەر له دێر زەمانەوه یەك نەبووه. تا ئەمڕۆش له بەشێكی كوردستان بۆ بەشێكی تری جیاوازیی بەرچاو هەیه سەبارەت به ووشەی كوردی، تەنانەت هەندێك لەو وشانه یەكیشه لەزۆربەی بەشەكانی كوردستان بەڵام واتای جیاوازیان هەیه.

نموونه1: مشتومڕ، له سلێمانی ووشەیەكه بەكاردێت كاتێك كه ڕازی نەبیت له گفتوگۆی كەسێك؛ ووشەیەكی ناشرینه.
نموونه2: هەر له هەمان شار ووشەی ''ئیش'' لەبری ''كار'' بەكاردێت بەڵام له مەریوان ''ئیش'' ووشەیەكی ناشرینه و ''كار'' لەبری بەكاردێت؛ نموونه ئەڵێن كارێكم هەیه و ناڵێن ئیشێكم هەیه.

سەبارەت بە ووشەی ''پاشەكەوت''، من نازانم ئێوه چۆن گەشتوونەته ئەو ئەنجامه بەڵام:
گریمان كەسێك كارتێكی بانكی پێیه لەگەڵ 5 ئێورۆ لەگیرفانیدا، بەكوردی ئەڵێین: ڕەحمان 5 ئێورۆی له گیرفانی هەڵگرتووه. ڕەحمان چوو بۆ بانك و 5 ئێورۆكەی خستەناو كارتی بانكەكەی؛ ئێسته ئەتوانین بڵێین ڕەحمان 5 ئێورۆی هەڵگرتووه لە بانك بۆ پاشەڕۆژ بەڵام، كردەی گۆڕینی ئەو 5 ئێورۆیه لەلایەن بانكەوه نابێته (هەڵگرتن) یان (پاشەكەوت)، نابێت لەبەرئەوەی هیچ پەیوەندییەكی نیه بەو كردەیەوه.

گریمان ڕەحمان ویستی شتێك بكڕێت (یان بسێنێت)، ئەگەر ڕەحمان توانی شتێكی 5 ئێورۆیی به 4 ئێورۆ بكڕێت ئەوا ڕەحمان 1 ئێورۆ ''پاشەكەوت'' ئەكات. ئەگەر ڕەحمان ئەو شتەی فرۆشتەوه به 5 ئێورۆ ئەوا 1 ئێورۆ ''قازانج'' ئەكات.

تەنها دوو ووشه هەیه له زمانی كوردییدا كه بەكاربێت بۆ هەڵگرتنی زانیاری؛ ''تۆمار'' لەگەڵ ''یاداشت'' ، لەبەرئەوەی زانیاریی بەچاو نابینرێت و ئەخرێته سەر ڕوویەك؛ وەك ڕووی كاغەزێك، یاداشت و تۆمار ئەكرێت بەكاربێن بۆ Save.

لەزگین ئەڵێت دوای سڵاو ڕاتان چیە [گل] گلدانەوە ..شتێك لای خۆت بهێڵیتەوە [گلی بدەیتەوه] !!!!!

جوانه كاكه به ڵێن..
هه ڵگره
هه ڵگره وه ك

ـ بۆ بەڵێنی خۆشەویست! هەوەڵەن زۆر وشەی ناڕەسەن و بەتایبەتی له توركیەوه هاتووەته نێو كوردی و پێویست نیه ئێمه له كوردی دا بەكاریان بێنین، باشه ئەگەر خۆمان نەبانێ، ئەوجار وەك هەموو نەتەوەكانی تر "دەین" یان قەرزی دەكەین. وشەی "ئیش"یش كه به مانای "كار" دێ لەو زڕه وشانەیه كه كورد نابێ بەكاری بێنێ. ئەم وشانەونه و زۆریتر هاومانای "ئیش"ن. "كار"، "هەرمان"و " ئەرك".
ـ مشتومڕ به مانای "بحس و جدل"ی فارسان دێ‌، واته قسه و باس له سەر شتێك كردن. وشەیەكی زۆر جوانیشه، ئیرت له سلیمانی مانایەكی دیكەی هەیەو نابێ كورد بەكار بێنێ، ئەمه قسەیەكی دیكەیه. ئەگەر وابێ "كێر" (كێرد، جۆرێك چەقۆ)ی كرمانجان چی لێ دەكەی. یان ئەگەر وابێ هەموو ئەوانەی ناویان "كەریم"ه ئەگەر ڕیگایان كەوته هەورامان، دەبێ ناوی خۆیان بگۆڕن، چوونكه لەوێ، ئەو ناوه جنێوه!!!
ـ بۆ دراوەكەی كاك ڕەحمانیش كه باست كردووه، كاك ڕەحمان پێش ئەوەی بڕوا بۆ بانك 5 ئێورۆیەكەی پاشەكەوت كردووه، دەنا 5 ئێورۆی لەكوێ بوو؟؟
ـ بەڵام ئەو وشه لە مەریوان و زۆر شاری دیكەی كوردستان دا به زمانی منداڵەوه یانێ "پیس" و هاومانایه لەگەڵ وشەی " قخە". خۆ گوناحیش نیه وشەیەك له كوردی دا چەند مانا بدا.
ـ با تێبكۆشین به چای خۆمانەوه له زمانی كوردی نەڕوانین، زمانەكەمان زۆر لەوه دەوڵەمەندتره كه ئێمه لێی تێگەیشتووین. من لەگەڵ هەموو ڕێزێكم بۆ كاك بەڵێنی بەڕێز و خۆشدەوی، دەبێ بڵیم كه:
ـ تەنها دوو ووشه له زمانی كوردییدا نیه كه بەكاربێت بۆ هەڵگرتن. دەی باشه "هەڵگرتن"یش بۆ خۆی وشەیەكه و "گل" و هیتریش هەر ئەو مانایه دەدەن.
ـ خۆ تۆماریش مانای دیكەی هەیه و له فەرهەنگی كوردی دا و له فارسیشدا بەكار هاتووه و لەویدا مانای لیسته یان چەند نامەیەكی نووسراوی خەتخۆش دەدەن كه به چرێش سەرەكانیان لیك دەدری و لوول دەدرێ تا قوتابی كەمكەمه بیخوێنێ و له بەری بنووسێتەوه و له سەری فیره نامه نووسین و خویندنەوه بی.مانای دیكەی تۆمار "زەبت" كردنه كه خۆی خزانوەته نێو زمانەكەمانەوه.
ـ وشەی ''یاداشت''یش له فارسیدا به كار دێ و مانای دیكەشی هەیه كه هەر كەسێك بیەوێ بەسەر هاتی خۆی بنووسێتەوه ڕۆژانه یادداشت هەڵدەگرێتەوه بۆ ئەوەی له دواییدا وه بیری بێتەوه. "یاد" و "داشت" تێكەڵ بووگن و ئەو وشەیەیان پێك هیناوه.
ـ زانیاریش دەبێ ببینرێ یان له یەكێك له شێوەكاندا خۆی پیشان بدا، دەنا وەك كەسێكه ماتریالیست نابێ باوەڕیشی پێ بكەین، هەرچەند زانیاریەكەش باش و بە‌هێز بێ!!
ـ لای ئێمەش وەك "لەزگین" باسی كردووه، وشەی "گل" زۆر بەكار دەبەن، بۆ وێنه دەڵێن: كوردۆ 5 دولارەكەی هەژاری "گل" داوەتەوه. واته 5 دولاری به لای خۆیەوه ڕاگرتووه، بەڵام ئەمه دەق و دەق مانای (پاشەكەوت = save ) نادا. لەو كاتەدا دەڵین: كوردۆ 5 دولاری بۆ هەژار هەلگرتووه، واته بۆی ڕاگرتووه.
قسە هەزاره یەكی بەكاره. لێی گەڕێن با وەك ئەوەی بێ كه كاك دیاكۆی بەڕێز و هاواڵانی مشتوومڕیان له سەر كردووه و لە سەری پێكهاتوون، تاتە:
(پاشەكەوت = save )
(پاشەكەوت وەك = save as)

كاك حامید گیان،

ئەتوانیت (بیرەوەری) لەدەستتدا هەڵگری؟! ئەتوانیت پەنجه بۆ ''بیرەرەری'' ڕاكێشیت؟! ئەزیزی من، دەنگ هەڵناگیرێت؛ بەڵام كاسێتێك كه دەنگی لەسەر تۆماركراوه هەڵئەگیرێت.

سەبارەت به ''زانیاریی''، ئایا ئەتوانیت ئەو زانیارییەی كه لەسەر فلۆپی دیسكێكه بیبینیت به چاو؟! بێگومان بەهۆی كۆپمپوتەرەوه ئەتوانیت بیبینیت، بەڵام خودی زانیارییەكه خۆی نابینرێت. له ڕاستییدا زانیاری نه كۆ ئەكرێتەوه و نه ئەبینرێت.

له كۆمپیوتەردا، save واتای جیاوازه له واتای ڕۆژانەی ئەو ووشەیه.

ئەو بەڕێزانه ئازادن بڕیار لەسەر چی ئەیەن؛ من هەرگیز پێم نەوتوون وامەكەن، هەروەك ئەو مافەم به خۆم نەداوه.

بەداخەوه ئەوەی كه فەرهەنگی كوردیی بێت ئەمڕۆ بەوردی لەسەر وشەكان نەیان نووسیوه كه ئایا ناشرینه یان جوان. تەنها واتای وشەكه به عەرەبی و فارسی نووسراوه و زۆربەی زۆری تێكەڵوپێكەڵ كراوه.

بەڵێنی خۆشەویست!
لەسەر: ئایا ئەتوانیت ئەو زانیارییەی كه لەسەر فلۆپی دیسكێكه بیبینیت به چاو؟! بەڵێ دەتوانرێ ببینری، هەر وەك خۆ‌ ت ئیشارەت پێ كردووه.

ئێستەش نازانم له كام وشەنامەی كوردیدا نووسراوه كه (پاشەكەوت) تەنها بۆ شتێكه كه به چاو ببینرێ؟
ئێستەش نازانم ئەگەر (پاشەكەوت) ئەلتەرناتیڤێكی تری وشەی (هەڵگرتن)ه بۆ نابێ بەكاری ببەین؟
ئێستەش نازانم نموونەی بانكەكان چ پێوەندییەكی به ئەم مەبەسته هەبوو؟ ئێستەش نەمزانی لەكوێ ئێمه وتوومانه بۆ ئەو مەبەستی بانكانه دەبێ شتێكی نەگونجاو بەكار ببەین؟
ئێستەش نازانم له كوێ نووسیومه كه ناوچە و دەڤەرە جیاجیاكانی كوردستان وشەیەك به چەند واتای جۆربەجۆر بەكار نابەن هەر كامەیان له لای خۆیان؟
ئێستەش نازانم كه ئەو شتانەی بۆ نموونه لەسەر دیسكێتێك پاشەکەوت دەكرێن له كوێ هەموویان نابینرێن؟ بۆ نموونه نامەیەك كه له پرۆگرامی وۆرد دەینووسین و دەمانەوێ پاشەكەوتی بكەین خۆ زۆر جوان بە چاو دەبینرێ.
ئێستەش نازانم كاتێ (پاشەكەوت) بە تەنیا بیرمان بۆ save دەبات كەچی (هەڵگرتن) له پێشدا بیرمان بۆ (بەرزكردنەوەی شتێك) دەبات و پاشان كه زانیمان ئەوه ناگونجێ ئینجا بیرمان بۆ save دەچێت بۆ نابێ (پاشەكەوت) بەكار بەرین كه تەنها بیرمان بۆ save دەبات؟
ئێستەش نازانم كاتێ بنەمای (تۆمار) دەچێتەوە سەر زمانی عەرەبی (طومار) و به واتای (نووسینێكی درێژ، نامەی درێژه و كۆكەی دەبێته طوامیر) و (یاداشت)یش له زمانی فارسیشدا بەكار دەچێ، كەچی (پاشەكەوت) كوردییەكی ڕەسەنه بۆ نابێ بەكاری بەرین؟
ئێستەش نازانم كاتێ فارس وشەی (یادداشت)یان هەیه بۆ ئەوان نە‌هاتن ئەو و‌شەیه لەبری save دانێن و نەنووسن: (ذخیره، حفظ)؟ ئاخر ئەوانیش وشەی (یادداشت) ڕێك بۆ ئەو مەبەسته بەكار دەبەن كه كورد بەكاری دەبات.
ئێستەش نازانم بۆ له هەموو زمانەكانی تردا وشەی هاوواتای save دەنووسن بەڵام به ئێمه دەوترێ له كوردیدا نابێ ئەو هاوواتایه بنووسرێ؟
ئێستەش نازانم ئەگەر (تۆمار ـ یادداشت) جارێكی تر وەرگەڕێنینه سەر زمانی ئینگلیزی خۆمان ناڵێین (ئۆی، ئەوه چی بوو؟!!!)؟.

پێشنیارێك بۆ كاك بەڵێن:
بەڕێزم لەگەڵ ڕێز و سڵاوی برایانەم، له زمانی كوردیدا پیتی بزوێنی (وو) لە سەرەتای وشە نانووسرێ واته نابێ بنووسی (‌ووشه، وورچ، ووتن، ووتار و هتد) بەڵكوو دەبنه (وشە، ورچ، وتن، وتار و هتد) هیوادارم له نووسینەكانی داهاتوودا ڕەچاوی بكەی چونكوو ڕەنگه هەندێ نووسین ببنه سەرچاوه بۆ كەسانی تر.

ئێمه له زانستپەروەران هەفتانه كۆبوونەوەمان لەسەر دانانی هەندێ زاراوەی تایبەتمەندی ئایتی هەیه به زمانی كوردی، بڕوامان وایه كه زمانی كوردی دەكرێ خزمەت بكرێ و دەوڵەمەندتر بكرێ. بەخێرهاتنی هەموو لایەك دەكەین.

لەگەڵ ڕێزم.

كاك دیاكۆ،
پێش ئەوەی كه بەكورتی وەڵامی پەیامەكەت بدەمەوه ئەمەوێت بڵێم كه بەكار‌هێنان و بەكارنەهێنانی ''وو'' پێشتر باس كرا و ئەو ڕەخنەیەم ئاڕاستەكراوه. بەكارهێنانی دوو ''و'' یان یەك ئەكەوێته سەر شێوەی وتنی، من بۆ ''ووشه'' دوو پیتی (و) بەكارئەبەم و هیچ پەیوەندی نیه به ڕێزمانەوه بەڵكو به نووسینەوه؛ بریتانی ئەڵێت Behaviour و ئەمەریكی behavior و هەمان ووشەشن و كەس نەیوتووه نابێت وابێت.

كەس نەی وتووه بەڕێزت (پاشەكەوت) بەكار نەبەیت؛ زمانی كوردی تەنها هی بەڕێزت نیه یان كۆمەڵێك كەس، بەڵكو هی هەموو گەلی كورده و هیوادارم ئەوه لەیاد نەكەیت.

من لەوە زیاتر كەنووسیومه لەسەرەوه ناتوانم زیاتر ڕوونی بكەمەوه كه جیاوازیی هەیه لەنێوان هەڵگرتنی ئێورۆیەك له گیرفان و یاداشتكردنی زانیاری سەبارەت بەو ئێورۆیه لەسەر كارتێكی بانك.

ئەگەر لەسەدا پەنجای كورد (یاداشت) ی بەكارهێنا بۆ سەیڤی زانیاری، ئەوا كەسێكی وەك منیش ناچار ئەبێت بەكاری بێنێت بۆیه خەڵكیی لێی تێبگەن.

سەبارەت بەو هەموو ''ئێستەش نازانم....'' ، پێویست بەو هەموو جەندبارەكردنەوەیه ناكات. وابزانم پێویستیش ناكات بزانیت؛ كەسێك كه بڕیاریدا پێویستناكات بزانێت.

سەركەوتووبیت.

وەڵا كاك داستان گیان ئەگەر سەیرێكی ئێره بكەی زۆر وشەی پرسیاركراوت لەوێ دەدۆزیتەوه:

فەرهەنگی ئایتی

منیش چەند ئەلتێرناتیڤێكم بۆ ئەم وشه مشتوومڕلەسەكراوه نووسیوه:

save = پاشكەوت كردن، پەیدەس كردن، نۆتە كردن، ڤەبوور كرن، پاشكەلدان، خەزن كردن

بەڕێزان سڵاو :
بابەتەكه زۆر گرنگه بۆیه حەزم كرد ڕونكردنەوەیەك باس بكەم .
بەڕێزان ووشەی save ئینگلیزی لەبیر بكەن كه مانای چی دەدات له زمانی كوردی دا ، ووشه نابێت ڕاستەوخۆ وەرگێردرێته سەر زمانێكی تر تۆ بۆ چی ئەو ووشەیەت پێویسته و چ كارێكی پێدەكەیت بگەڕێ بەدوای ئەو ووشەیەدا ، كه زمانی داتایه نەك زمانی قسەكردن ، زمانی فینلەندی ووشەیەكی زۆر نوێیان بۆ save داناوه كه ئەو ووشەیه له ژیانی ئاسایی و قسەكردندا بەكار نایەت یان زۆر كەم بەكار دێت چونكه زمانی داتایه نەك قسەكردن . بەڵام چونكه ئێمەی كورد له بواری زاراوەكانی كۆمپیوتەر و زۆر بواری تری زانست كۆڵەوارین تاكو ئێستا زانایانی زمانەوانی كورد بواری ئەوەیان بۆ نەڕەخساوه دانیشتن بكەن بۆ ئەو مەبەسته به تایبەتی، له بەرئەوه پەله مەكەن زۆر بەوردی بیری لێبكەنەوه، ووشەی ڕزگاركردن ،هەڵگرتن ، پاراستن ، پاشەكەوت ئەمانه زمانی داتا نیه ، بەڵام ئەگەر كەمێك سەرنج له ووشەی پاشەكەوت بدەین وەكو كاك دیاكۆ ئاماژەی پێداوه ووشەیەكه كه ئێمه پاشەكەوتی شتێك دەكەین لەبەر ئەوەی پێویستیم پێی دەبێتەوه ، خەڵكی پاره پاشەكەوت دەكات بۆ ئەوەی لەئایندەیەكی دوور یا نزیك سودی لێ وەرگرێ ، بۆ نابێت من ڕەسمێك یان نوسراوێك پاشەكەوت بكەم بۆ ئاینده .....؟ بەڵام لەگەڵ ئەوەشدا پە‌له كردن باش نیه چونكه تۆ ڕوبەڕوی جیهانێكی زۆر گەوره بویتەوه كه جیهانی داتایه ئەو جیهانەش ئەگەر بەووردی سەرنج بدەین زۆر زۆر زاراوەی تر هەیه كه پێویستی به لیكۆڵینەوە هەیه له لایەن زانایانی زمانەوانی .
لەگەڵ رێزمدا بۆ هەموو لایەك هەر سەركەوتوبن .
ako ahmad

ســـــــڵاو،
لەوەتەی ئەم بابەته قسەی لەسەر دەكرێ من چاودێری دەكەم...پاش خوێندنەوەی ڕای هەمووتان ئەمەوێ شتێك بڵێم:
1. به هەموو باوەڕمەوه دژی وشەی [تۆمار]م بۆ وشەی ‌[Save]، چونكه ئێمه وشەی [تۆمار] بۆ گۆڵ كردن و خاڵ بەدەست هێنانیش بەكاردەهێنین واتا دەڵێین: گۆڵ تۆمار كردن...خاڵ تۆمار كردن..
2. وەك پێویست و بۆ ناسینەوەی وشەیەكی دیاریكراو لە بەرانبەر وشەی [Save] دەكرێ وشەی [پاشەكەوت] بەكاربهێنین، كه هەوڵێكی مەعقوله و زۆرم پێ باشه.
3. ئەم خاڵه (خاڵی3) مەبەستی سەرەكی منه لەم كورته بەشدارییەدا، من به تەواوی لەگەڵ ئەوەدام كه با هیچ وشەیەكی بێگانە به زمانی كوردی به تەنها وشەیەك نەبەستینەوه له زمانی كوردیدا ( كه ئەمەش تا ڕادەیەك له هەوڵەكانی "زانستپەروەرانی كورد"دا بۆ فەرهەنگەكەیان بەرچاو دەكەوێت)، مەبەستمه بڵێم: هەندێك جار وا ڕێكدەكەوێ لەكاتی وەرگێڕانی بابەتێكدا وا پێویست دەكات كه وەرگێڕ پەنا بباته بەر بەكارهێنانی وشەیەك بەچەند مانایەكی جیاواز هەتا جوانتر مەبەستی وەرگێڕانەكه به خوێنەر بگەیەنێ‌...
كۆتا شتێك كه ئەخوازم ئاماژەی پێبدەم، دەوڵەمەندی زمانی كوردیه لەڕووی وشەسازی و بوونی چەندان وشە بۆ وشەیەكی بەرامبەر له زمانێكی بێگانه نموونه: زمانی ئینگلیزی كه ئەگەر به هەڵەدا نەچووبم دەوڵەمەندترین و بەربڵاوترین زمانه له جیهاندا، دەی ئەم زمانه دەوڵەمەنده له بەرامبەر وشەی [دیل]ی كوردی، نیو ڕسته نوسینیان هەیه، ئەوان دەڵێن Prisoner of War ...

كاتێكی خۆش بۆ هەموو لایەك...

جوانه په پوله ی به هار...هه رچه نه من له گه ڵ( هه ڵگره)م!

كاكه داستان!!
mission یان dataبلێیت قه ینا به ڵام ئه وانه وا گرانیش نین فه رموو بزانه به دڵته:

Log Off ‌ده رچۆ
Shut Down بكوژێنه وه
Restart ده ستپێبكه وه
Save هه ڵگره
maximam زۆرترین
minimam كه مترین
favorites حه زه كان...ویسته كان.(تۆزێك سه خته لام)..كاك ئیحسان ئه ڵێ ..هه ڵبژارده
tools ئامرازه كان
File دۆز،دۆسیه
Properties تایبه تمه ندی....مه ڵێ دوور و درێژ...10 به 11 ین...هه ر باشه!..خۆ ئه گه ر بنوسی..تایبه تمه نی...ئه وه 10 به 10 ین
جه نابتان ئاگادارن كه له ئه ندازیاری پێكهاته ی كۆمپیو ته ر به هێڵێ ئاخاوتنه كانیان ئه ڵێن پاس(ئا مانه)....ده خۆ خۆشیان نازانن بۆچی!! در. ماك ئیڤۆی ووتی وه ڵا چوونكه داتا له هه ر كوێ بیه وێت سه ر ئه كه وێت و له هه ر كوێش بیه وێت دا ئه به زێیت!!!!
برات عاشق

به رێزان من حه زئه كه م ته ها به ردێك بخه مه سه ر به ردێك له م با به ته دا.

به رێزان من وسه ی هه ڵ گرتن به راستترین ووشه ئه زانم چونكه......

ئه توانم بڵێم امه ووشه یه كی كۆمپیوته ریه .تۆش ئه ته وێ شتێك له ناوی هه ڵگری. له ناو تووره كه ی كۆمپیوته ره كه ت.

به ڕێزێك باسی سوید ی كرد كه گوایه ووشه یspare .ئه مووشه یه به واتای پاشه كه ووت یه ت پاره له ناو بانك.یان به عه ره ری اقتساد یه ت.

هه مان ووشه مان هه یه به نه رویجی...spare واته پاشه كه وت،

به ڵام ووشه یlagere ره مان هه یه كه له ناوو data به كاری دێنن واته خه زن یان بۆ هه ڵگرتنی فایل یان فۆڵده ر. به نه رویجی.

به هه رحاڵ =هه ڵگرتن =save= lager=
كوردی نه رویج ئینگلیزی

بة راىمن باراستن

سڵاو كاك داستان
من سەیری فەرهەنگێكم كرد ئەم ووشانه دانراوه (پاراستن، هەڵگرتن، شاردنەوه، ‌هێڵانەوه، هێشتنەوه).
بەڵام من لەسەر قسەی كاك بەردەقانی ووشەی (پاراستن) زۆر به جوان دەبینم و به ووشەیەكی زۆر گونجاوی دەزانم.

كاك داستان پێم وابێت وشەی تۆمار (نەك تۆماركردن) وشەیەكی كورت وه پڕ مانایە ئیتر خۆتو سەلیقەت.

بە رای من وشەی تۆماركردن ، تۆماری كە وەك... ، دەگونجێ.
هەروەها وشەی پاراستنیش هەر باشه. لێرە دەگەڵ پاشەكەوت نیم.
هەر چۆنێكی بێ. بە رای من هەر وشەیەكی داندرا هەموومان هەمان وشە بەكار بێنین له زمانی كامپیتێر دا.
هەمومان باش دەزانین ئەو زمانانەی ئێمە دەیزانین، وەك ، عەر‌ەبی ، فارسی، ئینگلیسی، سویدی، ... تەنیا یەك وشە بۆ ئەم مەبەستە بەكار دێنن.

سڵاو له هه موتان ئه ی خه م خۆ ران ، دۆ زینه وه ی ووشه كه بگونجێت بۆ داتا ووشه ی سڵاو كردن و سوپاس كردنم بیر ئه هێنێته وه. له یۆنا ن ئه ڵێن: سڵا وت تێ هه ڵ چه ‌قێت. له نه رویج و سوید ئه ڵێن: ئه بێت سوپاست هه بێت یان:( سوپاست هه بێت). لای خۆمان دوو نه خۆش ئه چن بۆ لای پزیشك ، یه كه م ئه ڵێت: هه مو له شم ئه یه شێت. به ڵام دووه م ئه ڵێت:هه مو قه لبم ئه یه شێت.

من ئه ڵێم زۆر ووشه هه یه له کوردیدا ئه توانرێت به کار بێت ، به ڵام من لا م جوا نه ووشه ی " گرته" بێت،چونکه ووشه یه کی جوا نه له وا نه بێت تا می ئه و کرداره بدا ت بۆ زما نی کوردی.
له گه ڵ ڕێز

کاروان پۆشیا.

سڵاو کاک داستان ....
وابزانم هەر بنووسی سێف یان ‌‌ حفظ باشترە جارێ
با پڕۆگرامەکات دوانەکەوێ ..پاشان دەتوانی لە ڤێرشنی داهاتو چاکی بکەی؟
رێزوو سڵاوو...

سڵاو بەڕێزان، پێم سەیره، ئەم پرسیارە هی یەک ساڵ لەمەوبەرە، تازە وەڵامی دەدرێتەوه.
ئەو وشەیه کراوە بە (پاشەکەوت) و دەیان بابەتی ئایتی نووسراوە که (پاشەکەوت)ی تیا بەکار براوە. سەیرێکی فەرهەنگی ئایتییش بکەن:
http://www.zkurd.org/proje/ferhengdev.pl?letter=S&dahatu=belle&tenha=-15

سڵاو کاکه داستان
زۆر سوپاسی ماندوو بونت ده که م،بڕای من (پاشه که وت) .
له هه مبانه بۆرینه ی هه ژار پاشه که وت: پاشه که فت، گلدریاوه،وه بۆ هه ڵگرتن:قبوڵ کردن،به رزه وه کردن.
به کار هاتوون له گه ڵ ریزم.

کاکە! ئەم گەڕانە بەردەوامەی ئێمە بەدوای بەرانبەری کوردیدا بۆ هەموو ئەو زاراوە بیانییانەی لەسەر دەممانن و سەرچاوەی مەعریفەتمانن گرێکوێرەیەکی دەروونییە، کە لە فۆبیای فەوتان و توانەوەمانەوە وەکوو میللەت سەرچاوەی گرتووە، پاشان بووەتە هیستیریایەکی زمانەوانیی، کە نائاگا هەموومانی گرتووەتەوە. پاکردنەوەی کوردیی بەم حەساسییەت و گیانە سیاسییانەیەوە‌ ڕەنگە کوردیی هەتا بێت "پەتییتر" بکات، بەڵام هەتا بێت وەکو زمان کولتر و مردووتری دەکات.
ئێستا، کە بەتایبەتی لە کوردستانی عێراق کورد بەسەر دەستەڵاتێکی گەورە و بەهێزدا کەوتووە و زمانی کوردییش بووەتە زمانێکی ڕەسمیی لە تەواوی عێراقدا، چیدی پێویستمان بەوە نەماوە، کوردیی هەر وەکو کەرەستەیەکی سیاسیی تەماشابکەین و بڵیێن "هەر ماوە قەومی کوردزمان"، بەڵکو پێویستە بۆ ئەوە هەڵبڕوانین، کوردیی بکەینە ئامرازێکی بەکار و لەبار بۆ بەڕێوەبردنی دەوڵەت و ئاڵوگۆڕی کولتوور و زانست. ئەوەش بە داڕووتاندنی نابێت بە ناوی پاکردنەوەوە، بەڵکو بە دەوڵەمەندکردنی دەبێت بە توانا و ئیمکانییەتەکانی دەربڕین و ماناگەیاندن. زمانی چاک زمانی پاک نییە. زمانی چاک زمانی دەوڵەمەند و بەعەمەل و لەسەردەم و ڕەوانە. ئەو ڕەفتارەی ئێمە بەرانبەر بە زمانەکەمان دەیکەین، ئەگەر میللەتانی وەکو فارس و تورک و عەرەب و ئینگلیز و ئەڵەمان و نازانم چیی بیکەن، هیچ کامێکیان نەک دەوڵەت بگرە قوتابخانەیەکیان پێ ناچێت بەڕێوە.

لێرەوە، گرنگ نییە "سەیڤ" بە کوردیی چییە، بەڵکو گرنگ ئەوەیە هەموومان لەسەر لەفزێک ڕێکبکەوین کە ئەو مانایە بگەیەنێت. بۆ نموونە، ئەگەر ووشەی "خەزن" لەلای کوردی ئێران و تورکیاش مایەی تێگەیشتن بێت، هیچ کێشەیەك لەوەدا نییە، هەموومان بنووسین "خەزن". هەمان شتیش بۆ ووشەی "سەیڤ" و "هەڵگرتن" و هتد ڕاستە.

سلاو
من پۆلی چوا‌ەمی زانستیم لە‌ کوردستان دا ئێمە‌ لەقوتابخانە وانەەی کۆمپیوتە‌رمان هە‌یە‌ جا لە‌ جیاتی ووشەی save عەمبار یان عەەمبارکردن مان بەەکارهێناوە و‌ە من زۆر جار ر‌ەخنەەم لەەسەەر ئەەم کتێبەە نووسیوەە و‌ە زۆر لەە ووشەەکانیشمان گۆریوەە و‌ە منیش هەەروەەک و ئێو‌ە کە‌ بەەرنامە درووست ئەەکەەم لەەجیاتی save هەەلگرتن بەەکار ئەەهێنم و‌ە لە‌مەەو دوا دامناو‌ە پاشکە‌وت بە‌کاربێنم چوونکە ئەمەەیان چاکترە‌ لە‌ هەەلگرتن .

بەررای من خەزن لە هە موو ستئ بەسترا کوردو حرابئ یا

مادام وای لێ هات منیش قسەی خۆم دەکەم
بە ڕای من ووشەی (داکردن) باشە.

پاشکەوت

بەڕێزان هەرچەندە لەسەر ئەم ووشەیە زۆر نووسراوە، وە بەڕاستی هەموو نووسینەکانیشم نەخویندەوە.
بەڵام لەبەر ئەوەی کەمی یان نەبوونی زاراوەی زانستی لەزمانی کوردیدا کێشەی بۆ زۆر کەس درووست کردوە بە تایبەتی ئەو کەسانەی کە دەیانەویت لەبواری زانستی و تەکنۆلۆژیدا بە زمانی کوردی بنووسن یان کاری وەرگێڕان بکەن وە منیش له و ‌کەسانە بەدەر نیم وە دڵنیاشم زۆر لە ئێوە هەمان کێشەتان هەیە. لەبەر ئەوە ڕای خۆم بەم شیوە دەردەبڕم
1. من پێم وانیە کە هەرگیز بنتوانین وەشەی کوردی بدۆزینەوە یان داڕژین بۆ هەموو ووشەیەکی زانستی لەبەر ئەوە پێویستمان بە قەرد کردنی ووشەی بێگانە دەبێت بە تایبەتی لە زمانی ئینگلیزییەوە بۆ کوردی، ئەمەش کارێکی ئاساییه ‌وە لە زۆربەی زمانە پێش کەوتوەکانی جیهان دا هەیە. چونکە بەڕاستی زۆر زە حمەتە کە هیچ زمانێک بتوانێت بەرگەی ئەو هەموو پێشکەوتنە زانستی و تەکنۆلۆجییە بگرێت کە ئەمڕۆ لەئارادایە، ڕۆژانە سەدان ووشەی نوێ دێتە ئاراوە.
2. باشتر وایە سەیری لەهجەکانی تری زمانی کوردی بکەین وەک (بادینانی و هەورامی) چونکە زۆر ووشەی کوردی لە و زاراوانەدا هەیە کە نەمان بیستووەو وە دەکرێت واتای تەواو بدەن بۆ هەندی ووشەی زانستی
3. پێم وانییە کە هەر دەبێت ئەو ووشە بێگانانە دەقاو دەق وەرگێڕین، دەبێت بۆ ووشەیەک بگەڕێین کە واتای ووشە بێگانەکە بدات بەدەستەوه. وە خوێنەر لێی تێبگات
4. کێشەیەکی تر ئەوەیە کە دەزگایەکمان نییە کە ئەرکی هەڵسەنگاندن و سەرپەرشتی کردنی ئەو کارانە بگڕێت ئەستۆ هە تا ئەو کاتەی زمانی کوردی ستاندارد دەکرێت، وە پێشم وایە بەبێ بوونی دەزگایەکی وا پیشکەوتنی زمانی کوردی بەگشتی وە لە ڕووی زانستییەوە بەتایبەتی زۆر زەحمەتە.

بابێینەوە سەر ووشەی Save
بەڕاستی من پێم وایە کە ووشەی (هەڵگرتن یان پاشەکەوت کردن هیچیان زۆر بەهێز نین بەڵام ووشەی هەڵگرتن بەڕاستتر دەزانم ) چونکە ستێک هەڵدەگرین بۆ ئەوەی لە فەوتان یان لەناو چوون بیپارێزین وە "سەیڤ" کردنی فایلێکیش هەر بۆهەمان مەبەستە. بەڵام پاشەکەوتکردن واتای ڕزگارکردن لە فەوتان ناگرێتەوە، بۆ نموونە کاتێک کەدەڵێیت من ئەم مانگە جلم نەکڕیوە پارەکەیم پاشەکەوت کردووە بۆ کڕینی کامێرایەک. ئەمە مانای ئەوە نییە ئەگەر تۆ پارەکەت پاشەکەوت نەکردایە دە فەوتا یان بەفیڕۆ دەچوو، بەڵکو واتای ئەوەیە ئەگەر پاشەکەوتت نەکردایە دەتدا بە جلوو بەرگ، وە ئەمەش زۆر لە لەناوچوونەوە دوورە. بۆیە پێم وایە پاشەکەوت
بە واتایSaving or economizing دێت نەک Save
ئەگەر سەیری Synonyms کانی saving بکەین یەکیکیان بریتییە
لە (economozing) ئەمەش واتای پاشەکەوت کردن دەگرێتەوە بەڵام Synonyms کانی Save بریتین لە (keep,bank, put aside) ئەمەش بە واتای ‌هەڵگرتن دێت.

سەچاوە Oxford English Dictionary

دةمةويَت كجة كوييةكى جوان بناسم بؤ ئةوةى ەثةيوةندى لةكةل دابنيم وة بةلينى بيدةدةم منيش لة خؤم دلنيام كة ئةوكةسة زةرةر ناكات

بە ڕێــزان بە ڕاستی ئێمە زۆر وشەی تریشمان پێویستە نەك تەنها وشەی save.

Save
Format
paste
edit
view
tool
page وە كــــوو پە یجی دۆكیومەنت
select
toolbar
standard
وە چەنەهای دی كە با ڕاستی زۆر گر نگە كە خە مێكی بخورێت.

بەڕێزم هەمووی ئەو وشانە کراونەتە کوردی، دەتوانی سەیری "فەرهەنگی ئایتی"ی زانستپەروەرانی کورد بکەی:
http://www.zkurd.org/?Besh=Ferheng

زۆر ســـــــــــــــــــوپاس دیاكـــــــــــــــــــۆ بە ڕاستی [www.zkurd.org] وشەی باشــــــی كردوە بە كــــــــــــــوردی، زۆر ســـــــــــــــــــــــو پا س بــــــــــــە ڕێزم