ئەو سایتانەی كه جەنابت نووسیوتن، بڕواناكەم كوكیان هەبێت. "كوكی" فایلێكی تێكستی بچوكه بۆ زانیاری سەبارەت بەو كەسەی كه سەردانی سایتێك دەكات، نموونه، سایت هەن ئەتوانیت ڕەنگ و هەندێك گۆڕانكاریی تێدا بكەیت و تا ئەو سایته گۆڕانكاریەكانت بزانێت چین بۆ جاری داهاتوو كه سەردانی سایتەكە ئەكەیتەوه، گۆڕانكاریەكان له كوكیەكدا دادەنێت و براوزەكەت هەڵی ئەگرێت لای خۆی.

هەروەها "كوكی" هەندێك سایت بەكاری دێنن بۆ سیخوڕیكردن بەسەر خەڵكیەوه. هەندێك سایت هەن ئەبێت ڕێیان پێبدرێت "كوكی" درووستبكەن له كۆمپیوتەرەكەتدا.

ئەوەی كه جەنابت باسی لێوەدەكەیت، ئەگەر سایتێك "كوكی" یەكی درووستكرد له كۆمپیوتەرەكەتدا و تۆش سڕیتەوه، ئیتر ئەوه ناگەێنێت كه جارێكی تر ئەو سایته كارنەكات! ئەو سایته ئەتوانێت جارێكی تر "كوكی" درووست بكاتەوه.

كێشەكەی جەنابت پێی ئەچێت كه دەستكاریی هەندێك بەشی ترت كردبێت. سەیری ئەم وێنەیه بكه:

‌

ئایا ئەوەی كه بە سوور دیاریكراوه، لای تۆش هەروایه؟ تكایه بڕۆ بۆ Tools -> Internet Options -> Privacy و دڵنیابه كه لەسەر Medium .

برایانی هێژا كاك بەڵێن و كاك هێمن
پاش سڵاو
بەڵێ وەك بەڕێزتان وێنەكەتان پیشانداوم، لای منیش" مێدیوم" هەر وایه و هیچ جیاوازیی نی‌یه ، هێڵی ئینتەرنێتەكەشم كێبڵه ، واته لەسەر هێڵی تەلەفۆنەكەم نی‌یه..
كێشەكه ئەوەیه خۆشم تێناگەم بۆچی كه سایتی (یەكێتی) دەكەمەوه دوا ژمارەی كوردستانی نوێ لای من هی ڕۆژی 30 ی ئابه ؟ یان ڕۆژنامەی هاووڵاتی دوا ژمارەی هی 27 ی ئابه؟ هەروەها كوردستان‌نیوس هی 30 ی ئابه؟ مەبەستم لەوەیه بۆچی لەو ڕۆژەوهژمارەی تازەی ئەو ڕۆژنامانه دانابەزێنه ناو سایتەكەوه ؟! ئایا لای ئێوەش هەر وایه؟

من لەو وێنەیه مەبەستم سایته كوردیەكان نەبوو، هەروەك نووسیومه كه ئەو سایتانه به كوكی كار ناكەن.

بۆ كوردستانی نوێ، ئایا لەم سایتەوه http://www.puk.org سەردانی ئەكەیت؟ تكایه كلیكی لێبكه و بزانه هەر هی مانگی ئابه؟

كاك كاوەی ئاسنگەری بەڕێز
كاك بەڵێن‌ی هێژا
بەڵێ ویندۆزەكەم ئێكس‌پێ‌یه، هەرچی‌یەكتان وتووه جێ‌بەجێم كردووه، وەك خۆیەتی، كلیكم لەسەر ئەو سایتەش كرد كه كاك بەڵێن بۆی نووسیوم بەڵام هەروەكو خۆیەتی .
لەگەڵ ڕێزمدا

برایانی بەڕێز و خۆشەویستم
پاش سڵاو
كات سەعات 2 ی شەوه و كارەكەی منیش به هیممەتی ئێوه گەیشته ئەنجام، هەر ئەو ڕێگایەی كاك كاوه فەرمووی جارێكی دیكه پێیداچوومەوه، ئەمجارەیان سەركەوتوو بووم. جاری یەكەمیش خۆم هەڵەم كردبوو..
به هەرحاڵ دووباره سوپاسی هەموو لایەك دەكەم
سەركەوتن و تەمەن درێژیی بۆ سەرجەم كارمەند و هەڵسوڕێنەرانی كوردئایتی‌گروپ
هەر شاد بن

ئەو فایلانەی كەسڕیتنەوه هیچ پەیوەندی نیه بەو كێشەیەی كە لەسەرەوه باست كردووه، كاتێك كه پرۆگرامی ئینتەرنێت ئەكەیتەوه ئۆتۆماتیكی ئەبێت بگەڕێت بەدوای تازەترین بڵاوكراوەی ئەو سایتەی كه سەردانی ئەكەیت.

سڕینەوەی ئەو فایلانه تەنها كەمێك له خێرایی براوزەرەكەت "پرۆگرامی ئیتەرنێت" ئەگۆرێت و هیچی تر. ئەگەر ئەو كێشەیەی سەرەوه ئەوەیه كه نووسیوته، ئەوا هەمان كێشەت لێپەیدادەبێتەوه.

برای بەڕێز كاك بەڵێن
پاش سڵاو
نازانم ئەو سڕینەوەیه پەیوەندی چی‌یه بەو كێشەیەوه كه بۆم نووسیون، بەڵام هەر پاش تەواو بوونی كارەكەم، ئینتەرنێتەكەم كردەوه و دوا ژمارەی ئەو رۆژنامانەم خوێندەوه، واتا كێشەكه چارەسەركرا، بەڵام به پێچەوانەی ئەوەی بەڕێزتان وتووتانه : مەبەستم له خێرابوونی كۆمپیوتەرەكەیە، له جاران خاوتر بۆتەوه.. بەڕای ئێوه هۆی چی‌یه؟

ڕێزدار كاك یاسین،
خۆشی لەخۆت ئەزیزم كێشەكەت چارەسەر بووه. گەر جەنابت سەیرێكی پەیامەكەم بكەیتەوه ئەبینیت كه من باسی "خێرابوونی كۆمپیوتەرم" نەكردووه! جوان نوسراوه خێرایی براوزەرەكەت Web Browser نەك خێرایی كۆمپیوتەر.

كاتێك كه براوزەر ئەكەیتەوه و سەردانی سایتێك ئەكەیت، براوزەكەت هەرچی گرافیك و فایلاتێك كه پێویستی به دابەزاندن هەبێت لەو سایتەوه، له بەشێكی هارددیسكدا هەڵیانئەگرێت. بۆ جاری داهاتوو كه سەردانی هەمان سایت ئەكەیتەوه، براوزەكەت بەراوردی سایتەكه ئەكات لەگەڵ ئەو فایلانەدا و تەنها ئەو گرافیك و فایلانه دائەبەزێنێت كه گۆڕدراون یان بوونیان نیه له هارددیسكەكەدا بۆ مەبەستی خێرا گەیشتن بەو سایته. لەبەرئەوەی زۆربەی سایتەكان ڕۆژانه ئەگۆڕێن، هەندێك جار سڕینەوەی ئەو فایلانە له فۆڵدەره كاتیەكاندا ئەبێته كەمێك خێراكردنی براوزەكه، لەبەرئەوەی كاتی بەراوردكردن ئەگەڕێتەوه بۆ دابەزاندن و به فیڕۆ ناچێت.

بۆ پرسیارەكەشت "مەبەستم له خێرابوونی كۆمپیوتەرەكەیە، له جاران خاوتر بۆتەوه.. بەڕای ئێوه هۆی چی‌یه؟" وابزانم پێویست به وەڵام ناكات هەروەك زیاتر توانجه نەك پرسیار و تێیگەیشتم.

هەر بژیت.

برای بەڕێز و خۆشەویست كاك بەڵێن
پاش سڵاو
هیوادارم ئەم ووشانەم به ڕۆحێكی هاوڕێیانەوه لێ‌قبوڵ بفەرموویت، من لەوانەیه له زانستی كۆمپیوتەردا له خوێندكارێكی سەرەتایی نەشارەزاتربم، بەڵام به حوكمی خوێندن و ژیان له ئەوروپا و خۆ ڕۆشنبیركردنم به كەلتوری پێشكەوتوخوازانه و بەدەر له كۆی نەخۆشی‌یه كۆمەڵایەتیەكانی كۆمەڵگا سەلەفی و خورافی‌خوازەكان و بۆماوه ئاینی و مەزهەبی‌یەكان كه جەستەی فیكری و ئافراندنی ئەقڵانی تاكەكانی لەناوخۆیدا شەتەك و كۆتكردووه، هەرگیز ڕێگه به خۆم نادەم توانج و پلار و قسەی به توێكڵ و ئەو جۆره ئوسلوبه ناشارستانی‌ و سەلەفیانه بەرامبەری هیچ كەسێك بەكاربێنم، به تایبەتی بەرامبەر كەسێكی وەك بەڕێزتان كه دەستی یارمەتیتان بۆ درێژكردووم لەم بواره بەرز و باڵایەی زانستدا.. دڵنیاتان دەكەمەوه له سوپاسگوزاریی زیاتر ، له به ئەمەك بوون زیاتر، له ڕێزوپێزانین زیاتر، هیچ نیاز و مەبەستێكی‌تر له ناخ و دەروونمدا نین كاتێك دێمه ئەم سایتەوه و له ڕێ‌ی پرسیارێكەوه دەمەوێت كێشەكانی نەشارەزاییم له بواری كۆمپیوتەردا چارەسەر بكرێت. جا كەسێكی وەك بەڕێزتان كه دەبنه دكتۆر و مامۆستام هەر هێندەم لە دەست دێت، قسەیەكی عەرەبی هەیه، بیكەمه دوانامەی سوپاسگوزاریم كه به كوردیەكەی دەڵێت : هەر كەسێك حەرفێكم فێر‌كات ، دەبم به عەبدی" به كۆیلەی" ....!
دوباره سڵاوم
براتان: یاسین