rss

کەلێنێکی مەترسیدار لە PHP دا پینەکرا

zandy — Fri, 03 Feb 2012 22:14:34 +0000

بەپێی The H Security کەلێنێکی پینەکراوی PHP ،جارێکیتر کەلەبەری تێکەوتۆتەوە کە بەکەلێنێکی زۆر مەترسیدار ناویبردووە و بوار دەدات کۆدی تێکشکێنەر لە دوورەوە لەڕێگەی وێبەوە بخرێتە گەڕ.
دوای تێپەڕبوونی مانگێک بەسەر وەشانی نوێی ٥.٣.٩ ی PHP دا ئەمڕۆ لەوەشانی ٥.٣.١٠ دا ئەم کێشەیە چارەسەرکراوە وە هەروەها مالپەری PHP.net مەترسی ئەم کێشەیەی پشتڕاسکردۆتەوە.
جێگای باسە گرووپی PHP لە ئێستادا خەریکی دروستکردنی وەشانی ( PHP 5.4.0 ) ن کە ژمارەیەک زمانی نوێ لە خۆ دەگرێت و هەندێک کرداری نەخوازراوی تێدا لادەبرێت.
PHP 5.3.10 دابگـــــــــرە

سەرچاوە:

The H Security

گوگڵ دۆکس و دەرهێڵ

zandy — Thu, 02 Feb 2012 18:09:47 +0000

گوگڵ دەیەوێت چەند گۆڕانکارییەکی گرنگ لە خزمەتگوزاریەکانی تەلەفۆنی دەستیدا ئەنجامبدات، بەتایبەتی لە Google Docs کە تائێستا دەتوانرا تەنیا لەسەرهێڵ ( لەکاتی پەیوەندی بە ئینتەرنێت) بەکاریبهێنین، بەڵام هەنوکە بەکارهێنەرانی سیستەمی ئەندرۆید- مۆبایل دەتوانن لە کاتی دەرهێلیشدا گوگڵ دۆکس بەکاربهێنن.
گرنگی ئەم گۆراناکارییە لەوەدایە کە زۆرجار لەکاتی نوسینی دیکۆمێنتێکدا لە ناو شەمەنەفەر یا پاسدا بە تونێلێکدا تێدەپەڕیتین بەهۆی پچڕانی شەپۆلەکانەوە پەیوەندیمان بە ئینتەرننێتەوە دەپچڕا، بەمەش هەموو کارانەی کە هەڵنەگیرابوون لەدەست دەچوون، بەڵام لە ئێستا بەداوە چیتر بەکارهێنەران ڕووبەڕووی ئەو کێشەیە نابنەوە.
لەو کاتەی خەریکی نوسینی دیکۆمینتێکی ئەگەر پەیوەندیت بە نێتەوە پچڕا ئەوا ئەبێت کرداری هاوکاتگەری خۆکار (Autosynchronization) چالاک بێت بۆ ئەوەی بتوانیت بەردەوام بیت لەکارەکەت
بەپێی IDG.SE ئەم کرادرە لە ئێستادا تەنیا بۆ سیستەمی کارپێکردنی ئەندرۆیدا بەردەستە، بەڵام لە ئاییندەدا سیستەمەکانی تریش دەگرێتەوە.

undefined

سەرچاوە:

Idg.se

لەدوای بردنەوەی گرەوەکە، ThePirateBay ئەچێتەوە ماڵەوە

Peshawa Halabjayi — Thu, 02 Feb 2012 13:14:25 +0000

لەدوای ئەوەی گرەوەکەی بردووە The Pirate Bay خۆی دەگوازێتەوە و ئەیەوێت خۆی دەرباز بکات لەدەست یاسا ئەمەریکیەکەی کە لەم دواییەدا هەرای نایەوە و کە تاکوو ئێستە زیاتر لە دە ماڵپەڕی جیهانی داخستووە. The Pirate Bay کە پیشتر لەسەر دۆماینی ئیسمانی تۆمار کردابوو .es وە ئێمە بە Org دەیناسین، لە کاتی ئێستادا گەڕاوەتەوە ماڵی خۆیان و بە دۆمەینیse تۆماری کردووە، ئەویش ڕاستەوخۆ لەدوای کیشەکەی مێگا ئەپلۆد ڕویدا چونکە یاساکە ناتوانێت دەست بەسەر ئەو ماڵپەرەشدا بگرێت لە کاتێکدا موڵکی ولاتێکە
پیشەوا هەڵەبجەیی

سەرچاوە:

TorrentFreak

وەشانی نوێی مایکرۆسۆفت ئۆفیس

aras — Tue, 31 Jan 2012 13:17:12 +0000

مایکرۆسۆفت لە قۆناغی تاقیکردنەوەی وەشانی نوێی مایکرۆسۆفت ئۆفیسە (وەشانی ١٥، لە دوای وەشانی Office 2010 دێت)، لە ڕاگەیەنراوێکدا مایکرۆسۆفت کۆمەڵێکی تایبەت لە بەکارهێنەرانی ئاگادار کردووەتەوە کە دەتوانن ئەم وەشانە تاقی بکەنەوە (ئەو کەس و لایەنانەی کە گرێبەستی NDAـیان لەگەڵ مایکرۆسۆفت واژۆ کردووە). نەخشە بۆ وەشانی کراوەش دانراوە، کە بۆ تاقی کردنەوە لە هاویندا دەخرێتە بەردەست هەموو کەسێک، لە ماڵپەڕی فەرمی ئۆفیس بانگەشەی بۆ دەکرێت لەو وەرزەدا.
بە گوێرەی قسەکانی (PJ Hough) جێگری سەرپەرشتکاری بەرهەمەکانی ئۆفیس و بەڕێوەبەری پەرەپێدانی ئۆفیس، ئەم وەشانە ئاسانکاریی زۆرتر دەخاتە بەردەم بەکارهێنەران بە بوونی چەند ئامرازێکی نوێ، لەوانە سوودمەندی لە ڕاژەکانی سەرهێڵ (Online services)، ڕاژوەخواز بۆ کارکردن لەگەڵ ئامێرە گەڕۆکەکان (mobile)..هی تر.
بۆ زانیاری زۆرتر: بلۆگی ئۆفیس

سەرچاوە:

Microsoft startet Office-15-Test

یەكەمین هەك كردن چۆن بوو؟

qezwan — Sun, 29 Jan 2012 23:39:40 +0000

ئێمە هەموو رۆژێک هەواڵی ماڵپەڕە هەك كراوەكان لە میدیاكان دەبیستین. ئایا تاکوو ئێستا لە خۆمان پرسیوە كە ئەم هەكە بۆ یەكەم جار لە كوێ و لە چ كاتێکا رووی دا؟
رێم بدەن تا برۆین بۆ دەیەكانی ٦٠ زایینی لە زانكۆی MIT.
تاقمێك بە بەڕێوەبری پ.Fernando J. Corbató لە سەر هاوبشی كاتی كۆمپیۆتر كاریان دەكرد. ئەم تاقم یان گرووپە كومپیۆتەرێكی main frame مۆدێلی IBM 7090
لە لا بوو. وا بڕیار درابوو كە بە شێوەی هاوبەشی بۆ كەڵك لێوەرگرتنی قۆتابیان و مامۆستاكان ببێت. هەر كەسێك لە حەوتوودا تەنیا دەیتوانی كاتێكی تەرخانكراو بەهرە لەم كومپیۆتەرە وەربگرێت.
ئەم خزمەتگوزارییە لە MIT بە Compatible Time-Sharing System یان CTSS ناسرابوو. لە راستیشدا CTSS سەرەتای زۆریەك لە واتای كۆمپیوتەرەكانی ئەمڕۆ بوو
وەك: ئیمەیڵ، چەت، هاوبەشكردنی پەرگە. بە بڕوای هەندێک، یەكەمین هەككردن لە سەر وشەی نهێنی لە ساڵی۱۹٦٦دا لە سەر CTSS بوو. بۆ ئەوەی كە ئەم كۆمپیوتەرانە بۆ سوودی گشتی بوون و بكارهێنەران دەیانتوانی لە كاتی دابینكراودا كەڵكیان لێ وەربگرن.
زۆر مرۆڤ هەیە كە ناتوانی بە ئاسانی بە شتێك بیبەستیت و ئازادی لێ بستێنیت. رۆژێك كە بەكارهێنەران دەچنە هۆڵی كار كردن بە CTSS شتێك سەرەنجیان رادەكێشێت ئەویش پەیامی بەخێر هاتن لە CTSS كە گۆرابوو و تەواوی وشە نهێنیەكان روون دەبێت تا ٢٠ خولەك.یەكێك لە قۆتابیان بەڕێوەبرەكان ئاگادار دەكات و ئەوانیش وشەی نهێنیەكان دەگۆرن.
٢٥ ساڵ كە لەم رووداوە تێپەر دەبێت دوكتۆر Allan Scherr كە قۆتابی phd لە ساڵی ١٩٦٠ زایینی بوو ئەم رووداوە باس دەكات و ئەڵێت :" لە بەهاری
١٩٦٢ زایینی بە شوێن رێگایەکدا بووم بۆ زیاد کردنی کاتەکە كە ئەو كاتە بۆ قۆتابییان دابین هۆكاریش ئەوە بوو كە لە حەوتووی ٤ كاتژمێر بەهرەمان لە CTSS وەردەگرت.
ئەم كاتە بۆ كارەكەی من بەس نەبوو. د..شێر دەڵێت رێگایەک بوو كە دەتوانێ فەرمانی چاپی دەرهێڵی وشەی نهێنی بە CTSS بدەی.
ئەمن شەوی هەینی فەرمانەكانم دا بە CTSS و شەممە زوو وشەی نهێنیەكانم كە چاپ كرابوو، هەڵگرت و لە نێوی قۆتابیەكان بڵاوم كردەوە. یەكێك لەم بەكارهێنەرانەش لە نێوی هەژمارەی J.C.R. Licklieder كە بەرێوەبەری لابراتۆری كومپیوتەرە و جنێوی خراپی نووسیبوو.
شێر لە ساڵی ١٩٦٥دا زانكۆی وازلێهێنا تا كارێكی نوێ لە IBM بگرێتە ئەستۆ.
٢٥ ساڵ تێپەری و لە پ .Fernando J. Corbató بڵێنیگرت كە باس كردنی ئەم رووداوە نەبێت بە هۆی لە دەستانی بەڵگانامەی phd_یەكەی.

سەرچاوە:

wired

http://www.wired.com/wiredenterprise/2012/01/computer-password/?utm_source=UniBu...

نرخی "ئەپڵ" لە وڵاتی یۆنان زیاترە

hamid — Sun, 29 Jan 2012 10:13:40 +0000

ماڵپەڕی "سی ئن ئن" راپۆرتێکی لەسەر دوایین رۆژەکانی نرخی ماڵی کومپانیای ئەپڵ لە ماوەیەکی کورتدا بڵام کردووەتەوە کە ریکۆردی هەموو نرخە پێشوەکانی شکاندووە و ئێستا لە بازاڕی نرخدا لە سنووری ٤٠٠ میلیارد دولار تێپەڕیوە. کومپانیای ئەپڵ لە ماوەی دوو ساڵی رابردوودا بەنرخترین کومپانیای دروستکەری کەرەستەی نوێ بووە لە جیهاندا.
لە درێژەی رۆژی پێنج شەممەی رابردوودا، نرخی ماڵی کومپانیای ناوبراو لە ٤٠٠ میلیارد دولار تێپەڕی و نرخی پشکەکانی بە گرانترین نرخ لە مێژووی ئەو کومپانیایەدا گەیشت کە نزیک ٤٣٠ دولارە. بەڵام دوای ماوەیەک دیسان دابەزی و بە نرخێکی نزیک ٤٠٠ دولار تۆمار کرا.
بەم جۆرە تاکوو ئێستا نرخی پشکی کومپانیای ئەپڵ لە سەرکەوتنێکی تایبەتی بە خۆی دایە. تاکە کومپانیایەک کە تاکوو ئێستا نرخەکەی لە ئەپڵ زیاترە، کومپانیای نەوتی ئامریکایە بە ناوی " ئەگزۆرن موبایل" کە نرخەکەی ٥٠٠ میلیارد دولارە. دوای ئەویش ئەپڵ دێت پاش پەپڵیش کومپانیای " پتروچین" کە نرخێکی ٢٧٠ میلیارد دولاری هەیە و لە دوای ئەمانیش کومپانیای "مایکروسۆفت"ە کە نرخەکەی ٢٣٥ میلیارد دولارە.
بە پێی نووسراوەکەی تۆڕی هەواڵی "سی ئن ئن" نرخی ماڵیی کومپانیای ئەپڵ زیاترە لە پێهاتەی بەروبوومی میللی "ناخالس" (پێش پاڵاوتن)ی وڵاتانی وەک یۆنان، سویسرا، ئارژانتین و ئەفریقای خواروویە.
کومپانیای ئەپڵ هێشتا یەکێک لە کومپانیا بەرهەم هێنەرەکانە کە بە خێراییەکی زۆر لە کاتی بەرەوپێشچوون دایە. کومپانیای ناوبراو لە حەوتووی رابردوودا رادەی سوود و قازانجەکانی خۆی لە سێ مانگی رابردوودا راگەیاند. کارناسانی ئەو بوارە لەو باوەڕەدان کە ئەپڵ لە هەڵسەنگاندن لەگەڵ ئەو ماوە دیاریی کراوەی ساڵی رابردوودا لە سەددا ٤٥% زیاد کردووە.
لە زۆر راپرسیدا دەرکەوتووە کە کومپانیای ئەپڵ لە لایەن ئاساییشی و دڵنیایی پاشەکەوت کردنی ماڵی لەسەر پشک، لە ریزی و پلەی سەرەوە دایە. یەکێک لە هۆکاری زۆر گرینگی ئەم بەرەو پێشچوونەی نرخی ماڵی پشکەکانی کومپانیای ئەپڵ دەگەڕێتەوە بۆ بەرهەم هێنانی موبایل تەلەفوونە هۆشمەندەکانی ئەوان.
بێجگە لەمەش لە بواری "ئای پاد"یشدا کە نەوەی نوێی کومپیۆتەرە گەڕۆکەکانی ئەو کومپانیایەیە و کەڵک وەرگرتن لە سیستەمی مەجازی پاشەکەوت کردنی پەڕگەی زانیاری ناسراو بە "ئای کلۆد" (iCloud) لەم بوارەدا رۆڵێکی زۆر کاریگەریان بینیەوە.
تۆڕی هەواڵەکانی سی ئن ئن لە کۆتایی راپۆرتەکەی خۆیدا لەسەر ئەوە دەنووسێ کە پێشکەوتنی بەرچاوی ئەوتۆی ماڵی لە ئەپڵدا کە تەمەنی تەنیا ٣٥ ساڵە، شتێکی سەرسوڕهێنەرە، لەبەر ئەوە نرخی ئەم کومپانیایە تاکوو دە ساڵ لەمەوبەر تەنیا ١٠ میلیارد دولار بوو.

سەرچاوە:

http://www.radiofarda.com/content/f3_apple_company_has_more_value_than_greece/24461293.html

مەکینەی وەرگێڕانی کوردی

Bardaqani — Fri, 27 Jan 2012 15:45:43 +0000

ئەمە پەڕەی تایبەتە بە "مەکینەی وەرگێڕانی کوردی" لە ژێر کۆدناوی Myxa مووخا.

زانیاری زیاتر:

زانیاری پێشتر

١٣ کەس لەبەر ئەوەی ژمارە بانکی خەڵکیان دزیوە دەدرێن بە دادگا.

hamid — Fri, 27 Jan 2012 09:33:17 +0000

بە هاوکاری ڤایرۆسێکی کومپیۆتەری چوونەتە نێو کومپیۆتەری ماڵی خەڵکەوە. لە نێو قوربانیەکانیشدا کارگێڕێکی پلەبەرزی بانک دەبینرێ.
ئەم رووداوە لە "سکۆنە" (Skåne)ی وڵاتی سویددا روویداوە. وەک وترا دزەکان بە هۆی ڤایرۆسێکی کومپیۆتەرییەوە چوونەتە نێو کومپیۆتەری خەڵکەوە و ژمارە بانکەکانیان لێ دزیون و یەکێک لەوانەش کە ژمارەکەی دزراوە لە بانکدا کار دەکا. ئەو لەم پێوەندییەدا دەڵێ:" بە سەرسوڕمانەوە دیم کە هەرچەندە لە ژمارەکەمدا بووە، بەتاڵ کراوە. من کە هەمیشە پێم وابوو ژمارەی زانیاری بانک زۆر جێگای دڵنیایی یە. ئەو کەسانە دەبێ کەسانی زۆر لێهاتوو و پسپۆڕ بن."
ئێستا ١٣ کەس لە دادگای شاری مالمۆ (Malmö) دا بە تاوانی دزی دەدرێن بە دادگایی کردن. بە پێی وتەی دادئەستێنەکە یەکێک لەو ١٣ کەسە "جۆرێک دەڵاڵ" بووە لە نێوان ئەوانەی کە دزییەکەیان کردووە و کەسی سەرەکی دزییەکە کە هێشتا دادگایی نەکراوە. ئەو دادئەستێنە کە ناوی "بو ئالبرێکتسۆن" (Bo Albrektsson)ە دەڵێ: "خاڵێکی هاوبەش کە ئەو ١٢ کەسە هەیانە، پێوەندییەکی ماڵییە لەگەڵ هێزێکی ژێرزەویی (نهێنی)دا."
ئەو دزانە لەو دراوەی کە چووەتە نێو ژمارە حەسێبەکەیان دەبێ لە ٥ هەتاکوو ١٠ لەسەددی وەک حەق دەست بدەنەوە. کەسی گومان لێکراو و سەرەکی ئەم کارەساتەش گیراوە. ئەو دراوە دزاراوەی کە لە ژمارە بانکی قوربانیەکانەوە لە کومپیۆتەرەکانیانەوە دزراوە نزیک ١ میلیۆن کرۆنی سویدییە، بەڵام ئەوەی کە ئەو دزانە چەندەیان دزیوە، هێشتا روون نەبووەتەوە.
بە وتەی ئالبرێکتسۆن ئەم دزییە پێوەند دەدرێ بە دزییەکانی دیکەوە کە پێشتر لە بانکەکانی "ئۆپسالا" (Uppsala) و ناوچەی "یێڤلە" (Gävle)دا کراون.

سەرچاوە:

http://www.metro.se/skane/13-personer-atalas-for-kapade-konton/EVHlaA!npWUXGCiarJE/

وەرگێڕی ئنگلیزی - کوردی و سواڵکەرە ملیۆنێرەکە

Bardaqani — Fri, 27 Jan 2012 02:35:50 +0000

زانای ئەمریکی "وەرن ویڤەر" دەڵێت:‌ "کاتێک سەیری وتارێکی نووسراو بە زمانی ڕووسی دەکەم، دەڵێم:‌ ئەمە بە ئنگلیزی نووسراوە، بەڵام بە هەندێک هێمای سەیر کۆدکراوە، بۆیە شییان دەکەمەوە".
“When I look at an article in Russian, I say: This is really written in English, but it has been coded in some strange symbols. I will now proceed to decode.” Warren Weaver
لە وانەیە ئەم دەقە لە ساڵی 1947 نووسرابێت.
بەڕای منیش دەقی نووسراو بە هەر زمانێک دەکرێت شی بکرێتەوە بۆ زمانێکی تر. بۆ ئەم مەبەستەش دەیان ڕێگا هەن و هەزاران لێکۆڵینەوەی لەسەر کراوە و بۆتە بەشێکی گرنگی "زیرەکیی دەستکرد" و زۆربەی زۆری زانکۆکانی جیهان گرنگی پێ دەدەن.
ئایا چەند گرنگە بۆ کارمەندێک لە CIA بتوانێت دەقی عەرەبی وەرگێڕێت؟ یان لە کاتی شەڕی سارددا دەقی ڕووسی؟ یان بۆ یەکییەتی ئەورووپا کە ساڵانە یەک ملیارد ئێورۆ خەرج دەکات بۆ وەرگێڕانی هەموو دەقەکانی بۆ زمانەکانی وڵاتانی ئەندام؟

بە کورتی دەکرێت سێ جۆری سەرەکی لە سیستمەکانی وەرگێڕان جیابکەینەوە:
1 - پشتبەستن بە یاسای ڕێزمان، واتا سیستم ڕێزمانی هەردوو زمانەکە دەزانێت و وەرگێڕان دەکات:
من: ڕاناوە
دەچم: فرمانی داهاتووە، تاکە دەگەڕێتەوە بۆ کەسی یەکەم
بۆ: ئامرازی هینە، ئاڕاستە دەسنیشان دەکات
بازاڕ: بەرکار، ناوە، تاکە

I go to market
ئەی باشە ئەگەر هاتوو ویستمان بڵێین: I go to the market ؟ من دەچم بۆ بازاڕەکە. کەواتە دۆخی ناسراویش دەبێت دیاریکرابێت. ئەی:
I go to the markets ؟

لەم جۆرە سیستمانەدا، هەر وشەیەک لە هەموو حاڵەتەکانیدا پێناسە دەکرێت:
market - n/s واتا ناو و تاک
s - n/p واتا ناو و کۆ

بە هەمان شێوەش هەموو دۆخەکانی فرمان و گۆڕانکارییەکانی بەرکار. ئنجا چەند یاسایەکی سەرەکی کە گۆڕانکاری لە شوێنی وشەکان لە ڕسەتدا دەکەن.
هەندێک ئاسانکاری کراون، کە پێویست نەکات، هەموو وشەکان سەرلەنوێ بنووسرێنەوە، بۆ نموونە:
چوون: دەچم، دەچیت، دەچێت، دەچین، دەچن، دەچن
پێویستناکات "بوون" شیبکرێتەوە چونکە لەسەر هەمان یاسای "چوون" کاردەکات، بۆیە:
بوون == ب == چوون

بۆ زمانی بەرامبەریش هەر بە هەمان شێوە هەموو یاساکان دەسنیشان دەکرێن و لە پەڕگەیەکی جیاشدا وشەکان بە یەکەوە دەبەسرێنەوە:
چوون == go
بوون == be

ئەم سیستمانە بەشێوەیەکی گشتی وەرگێڕانەکانییان باشە/باشترە بەڵام: کاتی زۆری پێویستە و زۆر زیرەک نییە و توانای فێربوونی نییە و زۆر دەستکردە، بزانە:
I like you
دەبێتە: من وەک تۆم. چونکە واتای ڕستە نازانێت، ئەمەش سەقەتە.

2 - پشتبەستن بە ئامار
ئەم جۆرە سیستمانە ئێستا زۆر باون و لە سێ بەش پێکهاتوون:
دەقی ئەو زمانەی کە بۆی وەردەگێڕین monolingual
دەقی هەر دوو زمانەکە بەمەرجێک هەر ڕستەیەک لە هێڵێکدا نووسرابێت و ژمارەی هێڵ وەرگێڕانی بەرامبەرەکەی دەناسێتەوە.

ئنجا سیستم دەست دەکات بە شیکردنەوە و هەڵبژاردنی واتای گونجاو.
باشە چەند ڕستەی وەرگێڕڕاو پێویستە بۆ سیستمێکی گونجاو؟
زیاتر لە 10 ملیۆن ڕستە یا نزیکەی 250 ملیۆن وشە. هەر بۆیە، یەکییەتی ئەوروپا تیمێکی تایبەتی دەسنیشانکردووە بۆ بەبەرامبەرکردنی هەموو دەقە وەرگێڕڕاوەکانی کۆبوونەوەکانییان و بەم شێوەش ڕۆژانە هەزاران وشە و ڕستە زیاددەبێت.
جگە لە هەموو دەقەکانی نەتەوە یەکگرتووەکان و بانکی نێودەوڵەتی و ژێرنووسی فیلمەکان.

ئەم سیستمە سەرئێشەی کەمترە و زۆر زیرەکانە ڕۆژانە فێری وشەی نوی دەبێت.
چۆن کار دەکات: بە قرتاندن لە دەستی ڕاستەوە
I go to the market
من دەچم بۆ بازاڕ
I go to
من دەچم بۆ
I go
من دەچم
I
من

کەواتە لە یەک دانە ڕستە، چوار ڕستەی ترمان وەرگێڕا. ئەمەش زۆر زیرەکانەیە. هەرچەندە ئەمەش کێشەی هەیە:
Ladies and gentlemen, I am here
خوشکان و برایان، من لێرەم.

I saw the ladies
من خوشکانم بینی. "ئەمەیان هەر زۆر نایابە".

یان: good evening
good ئێوارە
evening باش

هەرچەندە دەکرێت ئەم جۆرە سیستمانە یاسای پاش و پێشکردنییان بۆ زیادبکرێت لەگەڵ چەند یاسایەکی مۆرفۆلۆجی.

3 - لێکدراو
هەردووکییان بەیەکەوە. بۆ باشترین ئەنجام.

هەر کامییان بێت جیاوازی نێوان سیستمەکان لە ڕووی ئەنجامەوە زۆر گەورە نییە، چونکە وەرگێڕانی مەکینە بێ کەموکووڕی نابێت.

کامییان بۆ کورد باشترە:
سیستمی یەکەم: کات و تیمی تەرخانکراومان نییە ئەو هەموو وشەیە بنووسیتەوە.
سیستمی دووەم: تا ئێستا کورد 5 لاپەڕەشی وەرنەگێڕاوە.

تیمێکی کوردئایتیگرووپ کە پێکهاتبوو لە خۆم بە تەنیا، هەڵساین بە هەڵسەنگاندنی هەردوو سیستمەکە. دوای ماوەیەک، لەبەر کەمی کات، تەنها سیستمی دووەم. بۆ ئەم مەبەستەش پێویست بوو چەند هەزار ڕستەیەکی وەرگێڕڕاو بدۆزینەوە، بەڵام بەداخەوە لە کتێبی ئنجیلی پیرۆز بەولاوە هیچ دەقی وەرگێڕڕاوی بەرامبەرکراومان نەدۆزییەوە. دوایی، بەدوا ژێرنووسی فیلمەکاندا گەڕاین. خۆشحاڵانە فیلمی slumdog millionaire کراوە بە "کوردی دەلالخانە" کە بە فۆرماتی srt بوو. نزیکەی 1000 ڕستەی تێدایە بەڵام وەرگێڕانەکەی لە ئاستێکی زۆر نزمدایە و بە عەلی فۆنت نووسراوە.
دوای چەند ڕۆژێک ئێوەش دەتوانن ئەم سیستمە تاقی بکەنەوە کە وشەکانی دیکتیۆ دەخاتە ناو ئامارەکانەوە. بۆیە، دیکتیۆ، دەتوانێت ڕۆڵێکی گرنگ ببینێت لە داهاتووی ئەم سیستمە، بە تایبەتی ئەگەر توانیمان، بۆ هەر وشەیەکی وەرگێڕڕاو لە دیکتیۆ نموونەیەکی ڕستەش بنووسین.

لێرەوە هیوادارم، وەک یەکەم پڕۆژەی ساڵی 2012، تیمێکی چەند کەسی ئەم کارە بگرێتە ئەستۆی خۆی. هەرچەندە، من دڵنیام ئەمە کاری گرووپێکی خۆبەخش نییە. لە هەندێک وڵاتدا زیاتر لە چوار ساڵە خەریکی دامەزراندنی سیستمێکی وەرگێڕانن، بە بەشداری دەیان پسپۆڕی زانکۆ. ئەگەر مامۆستاکانی زانکۆ، کاری لێکۆڵینەوەی ئەم جۆرە سیستمانە نەکەن، کێ بیکات.

لە کۆتایی ئەم بابەتە سەرئێشێنەدا ماڵتان ئاوا

Anonyupload بەجێگای مێگا ئەپڵۆد

qezwan — Thu, 26 Jan 2012 23:20:10 +0000

یەک کاتژمێر دوای داخستنی مێگا ئەپڵۆددا، گرووپی Anonymous لە نووسراوەیەکی سەر تۆڕی کۆمەڵایەتی تویتەردا تووڕەیی خۆیان دەربڕی: " ئێمە وەکو گرووپ ئامانج و پەلاماری داهاتوومان بۆ سەر وێبگە حکوومی و وێبگەی میوزیکی دەبێت''زۆرتر بخوێنە
گروپی هاکەرانی نەناسراو راژەکاری (سێرڤێرێكی) هاوبەشی پەرگەی دامەزراندووە و بەجێگای راژەكاری مێگائەپڵۆد دایدەنێت. شوێنی دانانی ئەم راژەكارە لە وەڵاتی رووسیە دەبێت بە ناوی Anonyupload .هەرچەند پەرەی بارکردن و داگرتنی پەرگەی بێ رێكلام و بێ نرخە، بەڵام لە پەڕەی سەرەكی ماڵپەڕەكەدا ئەم گرووپە دەڵێن: "ئێمە خوازیاری دەستپێگەیشتن و هاوبەشكردنی كولتور و زانیاری ئازادین بۆ هەمووانین. ئێمە لایەنگری ئەنترنێتی ئازاد و پالپشتی لە ئەم گرووپە دەكەین و پێویستمان بە یارمەتی ئێوە هەیە. دەتوانی بەم ناونیشانە سەردانی بكەن."
http://www.anonyupload.com

سەرچاوە:

isna