کەموکۆڕیەکی زۆر لە بەشی ئاساییشی وێبگەڕی سافاری (Safari) دا: کومپانیای ئاپل (Apple) نوێکارییەکی لە بواری ئاساییشییەوە بە ناوی kallad 2005-009 بڵاو کردەوە. هۆیەکەشی ئەوەیە کە کەلێن و قوژبنێکی زۆر لە وێبگەڕی سافاری (Safari) هەیە، دەیهەوێ بەم جۆرە پینەی بکا. ئەم کەلێن و قوژبنانەش دەبنە هۆی ئەوە که کاتێک مرۆڤ سەردانی ماڵپەڕێک دەکا، خەڵکی دیکە بێنە نێو کومپیۆتەرەکەیەوە.
ئەو کەلێن و قوژبنانەی کە بە هۆی ئەم نوێکاریەوە پینە دەکرێن لە بەشیApache, CoreFoundation, OpenSSL و Sudo و Syslog دان کە دەبنە هۆی هاتنە ژوورەوەی کەسانی دیکە.
بێجگە لەمانەی سەرەوەش کونی دیکە لە بەشە جۆراوجۆرەکانی وێبگەڕی سافاری دا هەن کە دەتوانین Javascript و Web Kit ناوبەرین کە هەکەر لەو شوێنانەوە دەیتوانی بچێتە نێو کومپیۆتەر خەڵکی دیکەوە و تێکی بدا.
هەڵەیەکی دیکە کە لە وێبگەڕی سافاریدا هەبوو و ئەم جارە پینە کراوە، ئەوە بوو کە کاتی سەردانی ڤێبڤان، چەندین لاپەڕەی ئینتەرنێتی لە شێوازی پاپ ئاپ (pop-up) دا دەکرانەوە و وێبڤانەکەی نەیدەزانی کامەیان کامەیە و هەر بۆیە زۆر زانیاری هەستیار و نەهێنی لە لاپەڕەکاندا دەنووسی، کە لە راستی دا نەدەبوو بینووسێ.