بڵاو کردنەوەی وەشانی نوێی دوو بەرهەم له لایەن کومپانیای مایکرۆسۆفتەوە:  بەکارهێنەرانی دوو بەرهەمی دروستکراوی مایکرۆسۆفت، دوای چەند ساڵ چاوەڕوانی، وەشانە نوێکانی دوو بەرهەمی کومپانیای ناوبراویان بە چاوی خۆیان دیت، ئەوانیش Visual Studio 2005  و داتابەسی SQL Server 2005 ن.
بۆ سێ ساڵ دەچوو که وەشانێکی نوێ له Visual Studio له لایەن مایکرۆسۆفتەوە بڵا نەکرابووەوە، هەروەها پینج ساڵیشی خایاند تاکوو SQL Server لە وەشانێکی نوێدا خۆی نواند.
لەم پێوەندیەدا ماڵپەڕی هەواڵی رۆژانەی ئای تی وتووێژێکی لەگەڵ یەکێک لە بەرپرسانی ئەم بوارەی مایکرۆسۆفت لە سوید Eva Fors پێکهێناوە و چەندین پرسیاریان ئاراستە کردووە.
ناوبراو لە وەڵامی ئەو پرسیارەی کە کام لەم دووبەرهەمە بۆ ماکرۆسۆفت گرینگە؟ دەڵێ: " بێ گومان SQL Server داهاتێکی زۆرتری هەیە، بەڵام هەردووک بەرهەمەکە گرینگی خۆیان هەیە و مەبەستیش ئەوەیە کە پێکەوە بەکار بێن. بێگومان دەکرێ جیاواز لە یەکتریش بەکار بێن. بۆ وێنە مرۆڤ دەتوانێ Visual Studio  بۆ‌ چارەسەر کردنی کۆسپەکانی Oracles databas بەکار بێنێ."
Visual Studio پاکەتێکە کە نێوەڕۆکێکی هەیە بۆ زمانەکانی وەک Visual Basic, C#, C++ och J#, هەروەها کەرەستەیەکە بۆ ساز کردنی Web Developer بۆ ماڵپەڕ. شایانی باسە کە Visual Studio زۆر جۆری هەیە، هەر لە جۆری خۆڕایی وەک Ex-presserien ‌ ، تاکوو جۆری زۆر پێشکەوتووی وەک Team Suite. ‌
سەرچاوه