ڤایرۆسی Zotob:  كومپانیای ماكروسۆفت نەرمەواڵەیەكی خۆڕایی بۆ دۆزینەوه و خاوێن كردنەوەی سیستمی كومپیۆتەری ئەوانەی كه لەم چەند رۆژەی ڕابردوودا سیستمەكانیان تووشی فایرۆسێكی نوێ به ناوی "Zotob " هاتووه داناوه.
ئەم كرمه ئینترنیتییه "Zotob " له رۆژی یەكشەممەی رابردووەوه دەستی به بڵاو بوونەوه كردووه. لەو كاتەوه بێجگه له "Zotob" نموونەگەڵێكیتری وەك ئەم و ڤایرۆسیتر كە له كونێكی پاراستن كەڵكیان وەردەگرت، دەستیان به زیاد كردن كردووه. زۆرتری ئەو كومپیۆتەرانەی كه تووشی ئەم ڤایرۆسه هاتوون، له سیستمی "ڤیندۆزی 2000"یان له سەر بووه. له گرینگترینی ئەو شوێنانە كه تووشی ئەم ڤایرۆسه هاتوون، دەتوانین ئیشاره به"CNN"، "ABC" و "New York Times" بكەین.ئەم نەرمەواڵه چووكەی ماكرۆسۆفت كه به مەبەستی خاوێن كردنەوەی جۆرەكانی ئەم كرمه دانراوه، رۆژی پێنج شەممه بە خۆڕایی بڵاو كرایەوه.به وتەی كارناسێكی ماكروسۆف به ناوی "Debby Fry Wilson"، بەكارهێنەران دەتوانن تەنیا كرتەیەك له سەر لینكی ئەو نەرمەواڵەیه بكەن، نەرمەواڵەكەش سیستمەكەیان سكان دەكا (دەیپشكنێ) و پاشان ئەگەر تووش بووبێ، ئەوا ئاگاداریان دەكاتەوه، پاشانیش به شێوەی ئوتوماتیك كومپیۆتەرەكەیان خاوێن دەكاتەوه.
لینک بۆ داگرتنی نەرمەواڵەكه