ransom-ware:  ڤایروسی نوێ كه كومپیۆتەرەكەت به دیل دەگرێ
ڤایروسێكی نوێ دروست كراوه كه هەموو دوكۆمەنتەكانی تۆ دەبەستێ و ناوتانی بیكەیەوه، بۆ كردنەوەشی دەبێ نرخەكەی بدەی.
بە پێی ئەو زانیاریانەی كه له راگەیەنێره گشتیەكاندا بڵاو كراوەتەوه، ڤایروسێكی نوێ دروست كراو كه دەتوانێ كۆد له سەر هەموو فایلەكانت دابنێ و تاكوو نرخەكەی نەدەی، به هیچ تێكۆشانێك بۆت ناكرێتەوه. ئەگەر نرخەكەت دا ئەوا دەتوانی دیسان فایلەكانت بكەیەوه و بەكاریان بێنی، دەنا كومپیۆتەرەكەت بەدیل گیراوه. لەوەش سەیرتر ئەوەیه كه دژەفایروس ناتوانێ بەر بەم ڤایروسه بگرێ، هەر بۆیه داهێنەرانی دژەڤایروسەكان له بیری دۆزینەوەی رێگا چارەیەكی گونجاودان تاكوو بتوانن بەر بەم ڤایروسه نوێیه بگرن.
ئەم ڤایروسه كه ناوی"نەرمەكاڵای قوڵف" (ransom-ware)ی وەرگرتووه، له ئامریكادا زانایانی بواری كومپیۆتەری تووشی سەرەگێژه كردووه. لانی كەم له دوو شوێنی جیاوازدا ئەم ڤایروسه چووەته نێو كومپیوتەری خەڵكەوه و هەموو نێوەڕۆكی گرنگی ئەو كومپیۆتەرانەی قولف كردووه و بە هیچ جۆرێك ناكرێنەوه. لە جیگای كردنەوەی فایلەكەنی نێو كومپیۆتەرەكەش‌، ئیمایلێك دەكرێتەوه كه بەم جۆره هەڕەشە له خاوەن كومپیۆتەرەكان دەكا: " ئەگەر 200 دولار دەدە‌ی ئەوا بۆ كردنەوەی فایلەكانت كۆدەت پێ دەدرێت."
ئولیڤەر فرێدریكس Oliver Friedrichs بەر پرسی كومپانیای دژەفایروسی "Symantec" لەم پێوەندیەدا دەڵێ:" ئەمه وەك ئەوه وایه  كەسێك بێته نێو ماڵەكەتەوه و هەموو شته بەنرخەكانت له سندوقێكی نەشكێن (گاوسندوق)دا دابنێ و پاشانیت كۆدەكەت پێ نەدا.
FBI لەم پێوەندیەدا دەڵێ، ئەم جۆره هەڕەشه كردنە له خەڵك بۆ ئەوەی دراویان لێ وەرگرن، لەگەڵ جارانی پێشوودا كه له رێگای ئینترنیتەوه دەكرا، جیاوازی هەیه. ئەو راپۆرتانەش كە دراون، زۆری بۆ دروستكەرانی دژەڤایروس هێناوه بۆ ئەوەێ هەرچی زووتر چارەسەرێك بۆ ئەم كێشەیه بدۆزنەوه.