پێنووسی دیجیتاڵ:  ناوی ئەو پێنووسە دیجیتاڵە کە ناوی" Fly" ە، دەتوانێ نووسراوە بخوێنێتەوە و ژمارەش بژمێرێ. ئەم پێنووسە لە لایەن کومپانیای Anotoی سویدییەوە سازی کراوە و فرۆشتوویەتی بە کومپانیایەکی گەورەی ئامریکایی بە ناوی Leapfrog. هەواڵی ڕاگەیاندن و بڵاو کردنەوەی ئەم پێنووسە لە ئامریکادا دەنگی دایەوە. چەند ساڵێکە کاروباری ئەم کۆمپانیایەکە بەو جۆرەی کە دەبێ ببێ، ناچێتە پێشەوە و لەو ماوەیەدا بەرەو لاوازی چووە، هەر بۆیە هیوای بەوەیە کە ئەم پێنووسە بتوانێ دیسان پەرە بە بازاڕەکەی بداتەوە. مەبەست لە داهێنانی ئەم پێنووسە ئەوەیە کە یارمەتی منداڵان بدات بۆ ئەوەی بخوێننەوە و بنووسن، بەتایبەتی ئەوەی کە پێنووسەکە دەتوانێ دەستوخەتی هەموو کەس بخوێنێتەوە.
ئەم پێنووسە زۆرتر بۆ منداڵانی 8 تاکو 13 ساڵان ساز کراوە، چونکە منداڵانی ئەم تەمەنەش لە بەرەوپێش چوونی تکنیکی ئەم پێنووسەدا بەشداریان کردووە.
هەرچەندە سوید داهێنەری ئەم پێنووسەیە، بەڵام هێشتا لەم وڵاتەدا بڵاو نەبووەتەوە، بەڕێوەبەری کومپانیای Anoto هیوادارە کە بۆ هاوین ئەم پێنووسە لێرەش بڵاو بێتەوە.
شایانی باسە کە نرخی ئەم پێنووسە لە ئامریکادا نزیک 100 دولار و نەرمەکاڵاکەشی لە 80 تاکوو 200 کرۆنی سویدی یە.