وێنەی دەرەکی:  ڕۆژێکیان ئیمێلێکم بۆ هاوڕێیەکم نارد. لەناو ئیمێلەکەدا لینکێکم کردبوو‌ بۆ یەک دانە وێنەی بچووک بە قەبارەی 0px درێژی و پانی 0. دیارە ئەم جۆرە وێنانە بە چاو نابیندرێن. لینکەکەش بە کۆدی زۆر ئاسایی هـ.ت.م.ل. وێنەکەی‌ لەسەر سێرڤەرێکی دەرەکی دەخوێندەوە‌. لە ڕاستیدا وێنەکە وێنە نییە بەڵکو فایلێکی php ـەو بەم شێوەیە: img src="hit.php" و تا بزانیت کێ دەیکاتەوه hit.php?from=mr.X ی بۆ زیادکراوە؛
کەواتە IMG height=0 src="http://www.address.com/hit.php?from=mr.X" width=0 border=0 .
کاتێک mr.X ئیمێلەکەی دەکاتەوە، وێنەکە نیشان دەدرێت، لەم کاتەدا ئەو سێرڤەرەی وێنەکەی لەسەره،‌ ژمارەی ip و ناو و کات دەخاتە داتابێیسێکەوە. ئەوەی ڕاستی بێت تەنها کەسێک ئیمێل دەبینێت کە بە ناو و پاسوۆردێکی ڕاست کۆنتۆی ئیمێلەکەی کردبێتەوە بۆیە ئەم هاوڕێیەم ناتوانێت بڵێت من ئیمێلەکەتم بەدەست نەگەیشتووە، مەگەر ئیمێلەکەی هاک کرابێت و یەکێکی تر ئیمێلەکانی بخوێنێتەوە.
هاوڕێکەم وتی ببوورە ئێستا له ماڵ نیم لە‌ وڵاتێکی ترم، کەچی لە ژمارەی ip وێنەکە دەرکەوت کە لە ماڵی خۆیەتی.
جارێکی تر ئەو ئیمێلەی ناردبووم لە هۆلەندا خوێنداربووەو دوای سعاتێک له تورکیا، مەگەر ئەم زەلامە بە مووشەک هاتووچۆ بکات ئەگینا وەک مانگ دیارە مێیلەکەی هاک کراوە، دوای گۆڕینی وشه نهێنییەکەی، شتی وا ڕووی نەدا.‌
هەندێک جار شتی زۆر سادەو ساکار هەن کە دەیان کاری قۆڕی پێدەکرێت، کردنەوەی وێنەی ناو ئیمێلیش یەکێکە لەم کارانە. به گشتی کردنەوەی ئیمێلی html کارێکی باش نییه و پێویستە لە بەشی سازکاری ئیمێلەکان بووەستێنرێت. ئێستاش دوای ئەو هەموو ساڵە تازە بە تازە XP SP2 خۆی ئۆتۆماتیک وێنەی دەرەکی لە Outlook Express ناکاتەوە.
ئەمە هاککردن نییە چونکە خۆت ڕێگا بە کردنەوەی وێنە دەدەیت، هیوادارم بلۆکیان بکەیت.