لەودیوی ئنتەرنێت، وەره بمخنکێنه:  کوڕێکی بریتانی 14 ساڵه لەڕێگای چاتی ئنتەرنێتەوه MSN، توانیویەتی کەسێک پەیدابکات که بیکوژێت. ئەم کوڕە جۆرەها چیڕۆک و درۆو دەلەسەی بەکارهێناوه تا کەسەکەی تر ڕازی بکات بیخنکێنێت.
کوڕەکەی تر کە تەمەنی 16 ساڵه وای زانیوه ئەمە ژنێکه ئەم کارەی پێ ڕادەسپێرێت تا کوڕێکی تر بکوژێت و له بەرامبەر سێکس و پارە وەردەگرێت.
هەردوو گەنجەکە له شوێنێکی چۆڵی Altrincham دەگەنه یەک. کوڕه 16 ساڵەکه نازانێت ئەو کوڕەی بەرامبەری هەر هەمان ئەو کەسەیە کە ئەم کارەی پێ ڕاسپاردووه، هێشتا لای وایه ژنەکە دوایی سێکسی لەگەڵ دەکات.
بەڵام دیاربوو کارەکە سەری نەگرت‌و نەیتوانی بیخنکێنێت.
هەینی ڕابردوو، هەردووکیان له دادگا وەستان.
کوڕه 14 ساڵییەکه بۆ ماوەی 3 ساڵ لەژێر چاودێری دەبێت و بۆی نییه به تەنیا بچێته ناو ئنتەرنێت. کوڕەکەی تریان بۆ ماوەی 2 ساڵ چاودێری و چارەی پزیشکی بۆ دابین دەکرێت.
هەر باشبوو من کوڕه 16 ساڵەکە نەبووم.
سەرچاوه: Shenzhen Daily