سێرڤەری مایكرۆسۆفت و CVShome هاك دەكرێن:  بەپێی لێدوانێكی Zone-h لاپەڕەی سەرەتای یەكێك لە وێب سێرڤەرەكانی مایكرۆسۆفت، له لایەن دەستەیەكی پرتوغالی ناسراو به \"Outlaw Group\" دەكەوێته به شاڵاوێكی هاك و دەستكاری دەكرێت. ئەم كارەش له ڕێی كەلێنێكی بەڕێوەبردنی سێرڤەرەكەوه بەئەنجام گەیەنراوە، به ڕێنوێنییەكی SQL-Injection توانیویانه دەقێكی تایبەتی خۆیان بخەنه ناو بانكی داتاكانەوە، لە بری لاپەڕەی سەرەتا www.microsoft.com/mspress/uk دەقێكی تر \"Owned OutLaw Group by Pharoeste e Wolfblack\" پێشوازی لە سەردانكەران دەكات.
ئەمه یەكەم جار نییە، كه سێرڤەرێكی مایكرۆسۆفت بكەوێته داوی هاكەر و دەستێوەردان، بەڵام ئەمجاره سێرڤەرێكی بەناو ئاسایش و پارێزراو بەركەوتووه، كه پێ دەچێ ناوەخنی بانكی داتاكانی لەمەودوا پارێزراو نەبن، چونكه به تەكنیكێكی بڵاو كاری هاك كردنەكە كراوه.
هاوكات CVSHome.org هاك دەكرێت و لاپەڕەكەیان www.cvshome.org بۆ ماوەیەك دادەخرێت، به هۆی كەلێنێك له كۆدی CVS-Code خۆیدا ، كه پێشتر پینه كرابوو، ئەندامێكی CVS دەبێژێت؛ گوایه ئیمەیلێ خراوەتە ‌سەر ئەو كەلێنه له كۆدەكه‌دا‌ هەبووه.
لێدوانێك له بارەی هاك كردنەكەی CVShome
سەرچاوەی هەواڵ
درێژەی هەواڵ له zone-h‌