دوای ئەوەی ئەو گۆڵمەزەی بۆی نرایەوە لەئەوروپا دژ بەهەموو قۆرخکردنەکانی سیستەم و ملکەچکردنی بەکارهێنەر زۆرجار بەبەکارهێنانی نەرمەکاڵایاک کەسەلمێنراوە چەندین جار زیانی زۆر قوڵ لەخودی بەکارهێنەر دەدات پێش ئەوانی تر. هەرلەچوارچێوەی ئەو شکاتەی بەرز کرابۆوە بۆ بەربەستکردنی سیستەمی ویندۆز بە وێبگەڕی خۆیەوە. دوێنێ Dave Heiner نوسیویەتی کەبۆئەوەی هەل بدەین بەبازاڕی نوێی ویندۆز 7 بەتایبەت لەئەوروپا، دەبێت بەبێ وێبگەڕ پەخش بکرێت تاوەکو کۆمەڵێک لەو تەگەرانە وەلا بنێین بەمەبەستی خۆشکردنی بازاڕ و ڕاکێشانی کڕیاڕ بۆ ئەم سیستەمە.
شایەنی باسە تائێستا بازاڕی ئەوروپای هاوبەش بەژمارەی پێوانەیی سزای مایکرۆسۆفتی داوە، کەزۆرترینیان ئەوەی ساڵی پار بوو لەبروکسل. کەبڕەکەی گەشتە 899 ملیۆن یورۆ و ساڵی 2004 نزیکەیی 500 ملیۆن یورۆی تری سزا بەسەریدا سەپاند. ئەوەی شایەنی باسە تاکو ئێستا لەپرۆسێسی جۆراجۆردا نزیکەی 1,677 ملیار یۆرۆ مایکرۆسۆفت سزا دراوە لەلایەن بازاڕی ئەوروپی هاوبەشەوە، کەدواهەمینیان ئەم شکاتانەی Opera بوو لەسەر قۆرخکردنی بازاڕی وێبگەڕ. لەم جارەیەندا زۆرکەمی خایاند تاچەندین لایەن و پڕۆژە و کۆمپانیا هەماهەنگیان لەگەڵ Opera کرد بۆ ئەم کارە. لەوانە Mozilla, Google, Gnu, fsf.org. لەلای خۆیانەوە زۆربەی تەکنیکار و پەرەپێدەرانی Web2 پێیان وایە هەنگاوێکی مێژوویە، چونکە بەملیۆنەها جار دەبا وێبداڕێژەر و خاوەن سیستەم هەندێک Patch بەکاربەرن تاوەکو لەگەڵ وێبگەڕەکانی Microsoft بگونجێت. کەلەبنەڕەتدا کەمتەرخەمی وێبگەڕە و لەبەر بوونی بەکارهێنەری داسەپاو دەبا بکرابان. هەروەها W3.org پێی وایە IE یەکێکە لەهەرە وێبگەڕە نامۆکان بەسیستەمی نوێ و بنەڕەتی جیهانی بۆ وێب.