سڵاو،
من فارسی نازانم بەڵام بەڕای من:

زاویه - گۆشە
درجه - پلە‌
احتمالی - گریمانی

اصطلاح : مصطلح : زاراوە : Term وابزانم ڕیفێرسیشی پێدەڵێن بە ئینگلیزی ، سپێڵەکەیم لەبەیر نەماوە.
منظرە : دیمەن ، ئەپیریانس بە ئینگلیزی ئەگەر ماناکەی مظاهر بێت.
منعکس : پێچەوانە : شەوق دانەوە ، ریفلێکت بە ئینگلیزی
متمرکز : لە تەرکیزەوە هاتووە : concentrate
طراحی : پێشنیاری ': سەجێست بە ئینگلیزی
مەسئەلە : دڵنیانیم ئەگەر " مثال " بێت کەواتە دەبێت بە : نمونە : ئێکزامپڵ
____________________________________
فارسی خوب نەمیدونەم ئــــاغــــــــــــــــــــــای حوسیەنی!

بازتاب = ڕه‌نگدانه‌وه‌، دره‌وشانه‌وه‌؛ reflection
اصطلاح = ده‌سته‌واژه‌، زاراوه‌؛ term، به‌ اصطلاح دوست = به‌-ناو هاوڕێ so-called friend؛ هه‌روه‌ها به‌ واتای -ئاشتبوونه‌وه‌ و ئاشتیکردن-یش دێت؛ conciliation
زاویه = (له‌ ئه‌ندازه‌دا): گۆشه‌؛ angle، سووچ، قوژبن؛ corner. به‌ شێوه‌ی خوازراو (مجازی)یش به‌ خه‌ڵوه‌تگه‌ و په‌رستگای سۆفییه‌کانیش ده‌وترێت.
درجه‌ = (له‌ ئه‌ندازه‌دا) پله؛ angle؛ پله‌وپایه‌؛ post یان position
منظره‌ = دیمه‌ن؛ sight، outlook
منعکس = وه‌رگه‌ڕاو یان هه‌ڵگه‌ڕاو؛ reflected
کادربه‌ندی؟؟؟
کادر = وه‌رگیراوه‌ له‌ (cadre)ی فه‌ره‌نسی به‌ واتای چوارچێوه‌، قاپ؛ هه‌روه‌ها به‌ مانای هه‌ر ئه‌ندامێکی شاره‌زا له‌ هه‌ر بوارێکدا که‌ توانای به‌ڕێوه‌بردن و ڕاهێنانی خه‌ڵکی تری هه‌بێت بۆ نموونه‌ کادری ده‌رمانی که‌سێکه‌ که‌ له‌بری پزیشك له‌ به‌ره‌ی شه‌ڕدا ده‌ور ده‌بینێت.
متمرکز ( فوکوس ) = ‌چڕبوونه‌وه، چڕکردنه‌وه‌؛ concentration
مسئله = پرسیار، پرس، کێشه‌؛ question، problem، issue
طراحی = نه‌خشه‌کێشان؛ به‌ ئینگلیزی (design)
سوژه‌ = له‌ (sujet)ی فه‌ره‌نسییه‌وه‌ وه‌رگیراوه‌ به‌ واتای بابه‌ت، باس
صحنه = سه‌کۆ، سه‌کۆی شانۆ؛ scene
احتمالی = شیمانه‌یی؛ probable
ئه‌م وشه‌یه‌شتان وه‌ك دیاری پیشکه‌ش ده‌که‌م:
سراب = تراویلکه‌، په‌پرك، له‌یلان، ورشه‌ که‌ به‌ ئینگلیزی ده‌بێته‌ (mirage) و به‌ سوێدی (hägring)
وا بزانم کورد هه‌ر زۆر زۆر زۆر هه‌ژاره‌:)

ببوورن:
درجه‌ = (له‌ ئه‌ندازه‌دا) پله؛ degree؛ پله‌وپایه‌؛ post یان position

دەستخۆش کاک زمانیار!
بەڵێ کوردو زمانی کوردی زۆر هەژارن !
ئەگەر بچین لەناو پەرلەمانی کوردستان بپرسین؟
پەپرک ، تراویلکە ، چیییە؟ ئەبێت کەسیان بزانن!
لەیلان ، ناوی شاروچکەیەکە لە نزیک کەرکوک.
ئەگەر بکرێت ، تۆزێک ڕوونکردنەوەی زیاتر ، لەسەر " تراویلکە ، و پەپرک" بنوسیت جێگەی سوپاسە.
یاخود بۆم بخەیتە ڕستەیەکەوە ، چـــــــــــــــــــــــــۆن بەکاردەهێنرێت.
__________________________________
بە بۆچوونی من ، بوونی ووشە لە هەندێک فەرهەنگدا ، مانای دەوڵمەندی زمان نییە .
زمان ئەوەیە لە خوێندنگەکاندا بەکاردەهێنرێت و کورد بیزانێت.
زمانی نەرویجی زمانێکە کەلە سودیدی و دانیمارکی جیا بۆتەوە.
تەماشا بکە تەنیا بەرانبەر " زۆر باشە " کوردی چەند ووشەیان هەیە.
Veldig bra , meget bra , ganske bra , temelig bra , inmari bra , svart bra , nokså bra , sikkelig bra , kjempe bra
لەوانەیە چەند ووشەی تریشیان هەبێت ، بەڵام من ئەوەندیانم لە بیرەو بیزانم.
Bør , må : ئەبێت , ئەم دووانە فرمانی یاریدەدەرن ، بەڵام لەکوردیدا یەک ووشەمان هەیە.
___________________
زمان ئەبێت بەردەوام لەگەشەکردندا بێت ، بەڵام بەداخەوە ، تەنیا بەشی باشوورمان هەیە کە نیمچە ئازادە و ئاوڕێک لەزمانی کوردی نادەنەوە ، زۆربەی فەیلەفوسەکانمان ، کاتیک لە تەلفزیۆندا دەدوێن ، ژمارەیەکی زۆر ووشەی عەرەبی و بیانی بەکاردەهێنن. سەرەڕای ئەوەی ئەو ووشانەشمان هەیە و خەڵکێکی زۆر بەکاریدەهێنن.



دەستخۆش بۆ زانیاریەکانت.

کاك زه‌ندی،
سه‌ره‌تا خۆ په‌رله‌مان کۆڕی زانیاری و زمانزانان نییه‌ به‌تایبه‌ت ئه‌وه‌ی باشوور که‌ له‌ شووره‌یی زایاتر جارێ هیجی دیار نییه‌.

تراویلکه، په‌پرك‌: زه‌وی و زیخ یان شوێنێك که‌ له‌ بیابان و قه‌راغی جاده‌ بریقه‌ ده‌داته‌وه‌ و وه‌کوو ئاو ده‌نوێنێت.

له‌ ئۆغره‌که‌یان به‌ بیاباندا، سه‌رباری ماندووبوونێکی زۆر جاروبار تراویلکه‌ ده‌یانخستنه‌ ئاویلکه‌.

ئاویلکه‌ = گیانه‌ڵا، ده‌مه‌ده‌می گیانده‌رچوون، سه‌ره‌مه‌رگ
....
له‌گه‌ڵ ڕیزم بۆ بۆچوونه‌که‌ت به‌ڵام ده‌وڵه‌مه‌ندیی زمان هه‌م وشه‌یه‌ و هه‌م فراوانیی به‌کارهێنانیشی.
.....
ئه‌و هه‌موو وشه‌یه‌ی نه‌رویجی بۆ "زۆر"ی کوردی ده‌وڵه‌مه‌ندیی زمانی نه‌رویجییه‌ ڕاسته‌. به‌ڵام وه‌نه‌بێ کوردیش ته‌نیا ئه‌و وشه‌یه‌ی هه‌بێت بۆ (meget)ی نه‌رویجی. له‌ سویدیشدا ئه‌و وشانه‌ هه‌یه‌ بۆ "زۆر". کوردیش ئه‌مانه‌ی هه‌یه‌، ئه‌وه‌نده‌ی من ده‌یانزانم:
زۆر، پڕ، گه‌لێك، فره‌، تژی، بۆش، زیاد، زێده‌، فراوان، زاڤ، زه‌حف، زه‌به‌ند
زۆربه‌ی ئه‌و وشانه‌ی سه‌ره‌وه‌ ئه‌گه‌ر بخه‌ینه‌ پێش "باش" هیچیان له‌و ده‌سته‌واژه‌ نه‌رویجیانه‌ که‌متر نییه‌ و مانای ته‌واو ده‌ده‌ن به‌ده‌سته‌وه‌.
....
کاك زه‌ندی، زمانزان و کوردیزانی ئه‌مریکایی "مایکڵ چه‌ت" سه‌ری له‌ سیحری ده‌وڵه‌مه‌ندیی زمانه‌که‌مان "کوردی" سوڕمابوو. ئه‌و نموونه‌ی ئه‌وه‌ی ده‌هێنایه‌وه‌ که‌ له‌ کوردیدا ته‌نیا بۆ ناوی "گه‌سك" سێزده‌ وشه‌ هه‌یه‌؛
ئیتر من تێناگه‌م له‌م بێمتمانه‌یییه‌ی ئێوه‌ به‌رامبه‌ر به‌ توانای زمانی کوردی بۆ ده‌ربڕین وهتد.
.....
منیش ده‌ستخۆشی بۆچوونه‌کانت لێ ده‌که‌م.

سڵاو بەڕێز زمانیار!
پێشەکی زۆر خۆشحاڵم ، ئەگەر هاوکاریمان بکەیت لەم بەشەدا ، وە زۆریش خۆشحاڵ دەبم ئەگەر هاوکاریم بکەیت ، لەو هەواڵانەی بڵاویان دەکەمەوە ، ئەگەر هەڵەیەکی ڕێزمانی یاخود من کێشەیەکم هەیە زۆر جار ووشەیەک یەک بڕگەیە ، بەڵام من دەیکەم بەدوو بۆ نمونە ( کۆمپانیاکانی تر ، کۆمپانیاکانیتر ) نازانم کامیان ڕاستە ، پێم وایە یەکەمیان ڕاستبێت ، پێشتریش ئاماژەم پێکردووە ، قۆناغی سەرەتایی و ناوەندیم بە عەرەبی خوێندووە ، بەڵام ئامادەیی بە کوردی.
__________________________________
بۆ ئەوەی پەرلەمای کوردستان ، منیش هەمان ڕام هەیە ، بەڵام ئەندام پەرلەمان ، نابێت یەکێک لەمەرجەکانی ئەوەبێت کە زمانی کوردی بەباشی بزانێت؟ . ئەی نابێت پەرلەمانیک ، نوێنەر یا ٢ پسپۆڕی زمانی کوردی تێدابێت!
____________________________
{ زۆر، پڕ، گه‌لێك، فره‌، تژی، بۆش، زیاد، زێده‌، فراوان، زاڤ، زه‌حف، زه‌به‌ند } ،
زۆر باش ، پڕ باش ، کرمانجییە ، فرە باش ، گەرمیان و خانەقین ، زیادە و زێدە ، پێم وایە عەرەبین ، فراوان یا بەرین بەواتای زۆر نایەن ، زەحف ، ئەمەشیان بە کرمانجی دەتوانرێت بە زۆر بەکاربهینرێت ، زاڤ ، نازانم ، وە زەبەند ( زۆر و زەبەند) زۆر جار وەک دوو ووشە بەکاردەهێنرێت ، بەڵام زەبەند بەواتای چڕیش دێت. بۆ نمونە:
دارستانێکی زەبەند یاخود دارستانێکی چڕ.
ئەو ووشە نەرویجیانەی من ئاماژەم پیکردووە ، دەتوانیت هەرهەمویان بەکاربهێنیت بۆ نمونە خوێندکارێک پلەیەکی باش دەهێنێت ، دەتوانی هەر یەک لەوانە بەکاربهێنیت ،
بەڵام کەی من دەتوانم بنوسم (( فراوان باش یان زەبەند باش یا بۆش باش ))
بەهەر حاڵ هیوادارم بۆچونەکەی من هەڵە بێت زمانەکەمان دەوڵمەندبێت ، بەڵام بەداخەوە ، ئەم ووشانە کەلە خویندنگەکاندا بەکار نەهینرێن و نووسەران و ڕۆژنامەنوسان بەکاری نەهێنن ، ئەی چۆن فێری بەکارهێنانیان بین .
زمانێک کەلەناو فەرهەنگێکدابێت و لە سەر ڕەفەیەک تۆزی لێنیشتبێت ، ئایە ئەو زمانە چی بەسەردێت؟؟؟.
_________________________________
بێ متمانەیی ئێمە بەرانبەر زمانی کوردی ، ئەوەیە کەس گەشە بەم زمانە نادات ، بەتایبەتی بوواری ئایتی ، ڕۆژانە دەیان ووشەی نوێ دەردەچن ، بەڵام پسپۆڕانی زمانەوەانی ئێمە خەوتون.
________________________________________________________
هەرچەند من و تۆ یەکتر ناناسین ، بەڵام پێم وایە تۆش ئەو فەرهەنگەی ئەو ووشانەی لێدەردەهێنیت ، لێت بشارنەوە ، ئەو هەموو ووشەیە نازانیت ، بەڵگەشم بۆ ئەوە تا ئێستا لە گۆڤار و ڕۆژنامەو تەلەفزیۆن ، نوسەران ، بلیمەتێکم نەبینوە ئەوەندە زمانەکەی پاراوبێت.
بە شێوازی نوسینەکانت دەزانم ، کە سایەتیت ئەم دوو دێڕەی کۆتایی بە دڵێکی فراوانەوە ، وەردەگریت ، ئەگەرنا ئەمتوانی نەینوسم. لەوانەیە مەبەستێکیشم هەبێت.

کاک زمانیار!
بۆ ووشەی Overview پێت وایە ووشەی " پوخت " واتایی تەواو ببەخشێت؟.
ئایە ناتوانیت هەندێک هاوکاریمان بکەیت ، فەرهەنگیکی ئایتیمان هەیە لە زانست پەروەران ، هەندێک دەوڵمەندی بکەیت ؟.
زۆریش سوپاس بۆ هەموو وەڵامەکانت.
لەگەڵ ڕێزم

دەمتان خۆش،
هیوادارم لە داهاتووش بەم شێوەیە بەردەوام بن.
کاک زەندی دەڵێت: "بەڵام ئەندام پەرلەمان ، نابێت یەکێک لەمەرجەکانی ئەوەبێت کە زمانی کوردی بەباشی بزانێت؟ "

بەڕای من دەبێت بە لایەنی کەمیش ناوی خۆی بزانێت بنووسێت.