تا چەند هەفتەی داهاتوو گووگڵ ، ئامرازێکی نوێ دەخاتە بەردەستی بەکارهێنەرانی کۆمپیوتەر کە بێ گۆمان لە مێدیاکانەوە دەنگێکێ زۆری لێ ئەکەوێتەوە. لە دوای ئەوەی کە مایکرۆسافت وەشانی سەرهێڵی بەرنامەکانی ئۆفیسی بۆ بەکارهێنەران خستەڕوو ، ئێستا کۆمپانی گووگڵە کە بە پێچەوانەی مایکرۆسافتەوە دەیەوێت وەشانێکی خزمەتگوزاریی Google Docs ی بە شێوەی دەرهێڵ بڵاوبکاتەوە .
بەکارهێنەرانی گووگڵ ئێستا دەتوانن لە ئەم خزمەتگوزاریە بەتەنیا بۆ وۆرد پرۆسێسۆر سوود وەربگرن ، بەڵام تا چەند هەفتەی داهاتوو خزمەتگوزاریەکانی دیکە وەکوو ئێکسڵ و پاورپۆینت بەشێوەی دەرهێڵیچ دەکەوێتە بەردەستی بەکارهێنەران.
شایانی باسە کە گووگڵ ماوەیەکە کە دەیەوێت بەشێوەی مایکرۆسافت بەستەیەک وەکوو ئۆفیس بخاتە پاڵ خزمەتگوزایەکانی.